MATEUS 17:3 - BOWOT BOHUA

³ Pongohuli kototolu murid dih nohto Museh tutang Elia hopander umba Yesus.

MATEUS 17:3 ပူးပေါင်းရင်းမြစ်များ

MATEUS 17:2

Ang toharep'ndo, Yesus boubah tapai. Bauioh monjadi boloang kolou mahtan-ondou tutang hatiu-Oh puti mokilap.

MATEUS 17:4

Turus Petrus nuhtui umba Yesus, “Tuhan, mangat tu'u ihto ang ohtoi. Amat Tuhan jolik ahku nombok tolu kemah ang ohtoi; ihco ahkan Tuhan, ihco ahkan Museh, tutang ihco ahkan Elia.”

MARKUS 9:4

Pongohuli iro tolu behti murid-Oh rih nohto Yesus bopander umba Elia tutang Museh.

LUKAS 1:17

Io ahkan monjadi soruhan Tuhan ijo ba'as tutang bokowasa kolou Elia. Io ahkan ngobuah amai umba anak, tutang ulun eam te'et tonitingoh buli aang jalan tiruk ijo morong. Honong kolourih io nahtap ihco ukup ijo jari tahtap ahkan Tuhan.’’

LUKAS 16:16

Hukum ijo tononga bain Museh tutang ajaran nabi-nabi tahtap nyolung johcok aang uhun Yohanes Popondus. Tahkan ohkot orih Kabar Hinut tohou koloukuwoh Pohotala moretah kolou Lahca borihtaoh toturusoh. Tutang ulun maksa aropoh ahkan monjadi anak ukup ain Pohotala.

LUKAS 24:27

Pongohino Yesus nyorihta ahkan iro inon ijo tonyurat ang luwang koparing Surat Borasih tohou arop-Oh, nopara tahkan buhku Museh tutang buhku nabi-nabi.

LUKAS 24:44

Uliorih Io nuhtui ahkan'ndo, ‘‘Tuhrih hal-hal ijo jari Ahku manderoh ahkan'kam ohkot Ahku magun hihcoumba ihkam: ijo nyinong hal ijo tonyurat tohou Ahku aang buhku-buhku Museh, tutang nabi-nabi tutang Masmur, harus nyolung.’’

LUKAS 9:33

Aang ohkot duo behti rih kani nohtah Yesus, Petrus nuhtui umba Yesus, ‘‘Amai Guru, momih samasino ihto ang ohtoi. Piosrih ihkai nombok tolu kemah, ihco ahkan Tuan, ihco ahkan Museh, tutang ihco ahkan Elia.’’ (Petrus nuhtui kolourih eam kota'an inon ijo tonuhtuioh.)

YOHANES 1:17

Hukum Tuhan ihto torima nguha Museh. Tahpi kasih tutang kotehen Pohotala tongorinah nguha Yesus Kristus.