MATEUS 17:20 - BOWOT BOHUA

²⁰ Hion Yesus, “Bain ihkam kurang porocaya. Ingatrih! Amat ihkam anai kaporocaya kohajon luang sawi, ihkam duon nuhtui umba puruk tuh, ‘Hahtunrih nokuh anan!’ musti puruk tuh ahkan hahtun. Eam aro angihco ka ijo eam duon ihkam nguaioh! [

MATEUS 17:20 ပူးပေါင်းရင်းမြစ်များ

MATEUS 13:31

Yesus nyorihta hino ijo porobasa ahkan ulun aro, hioioh, “Amat Pohotala moretah ang konuaioh kolou porobasa tuh: Ihco luang sosawi omin bain ihcobehti ulun, turus konombulan ang umoioh.

MATEUS 14:29

“Nokuhrih,” hion Yesus. Mahka Petrus nusuluh tahkan alut, nyalan ang ngosan danum tutang nokuh Yesus.

MATEUS 17:17

Yesus mutah, “Eam inon ihkam tuh! Ihkam tu'u-tu'u ulun-ulun ijo nyahpang tutang eam porocaya. Nyiring mira Ahku harus mohcon umba ihkam tutang sabar toharep ihkam? Ngomin anak orih 'kanohtoi!”

MATEUS 17:19

Pongohuli murid-murid Yesus lombut nokuh-Oh cara bongoi tutang ngisok umba-Oh, “Amai, bain inon ihkai eam duon muhko roh ja'at orih?”

MATEUS 17:9

Ohkot endo nosuluh tahkan pupungpuruk rih, Yesus mopingat endo, “A'ai momborihta ahkan ia-iai ka inon ijo ihkam nohtooh nanai, sounumba Anak Ulun tongomonyun tahkan popahtoi.”

MATEUS 21:21

“Kotu'ui,” puhtah Yesus, “amat ihkam porocaya tutang eam bembang, ihkam duon nguan inon ijo ius Ahku nguai toharep pu'un sikun rih. Tutang eam baya orih iou, malah ihkam ahkan duon nuhtui umba puruk tuh, ‘Kuat tutang hahtun nokuh luwang tasik’; mahka hal orih ahkan nyolung.

MATEUS 8:26

“Ombai ihkam mihkoh?” hion Yesus, “Ihkam kurang porocaya umba Ahku!” Uliorih Yesus kuat, tutang ningak sawung-bahiou tutang danou rih. Turus danou orih rih monjadi teneng tu'u.

MARKUS 11:22

Yesus mutah, ‘‘Porocayaiou ahkan Pohotala.

MARKUS 11:23

Tu'u-tu'u ihkam dahpot nuhtui umba puruk tuh, ‘Hogahtangrih, tutang tongodian rih, nokuh tohun tasik!’ mahka hal rih ahkan nyolung ahkan ihkam; asar ihkam eam bembang, tutang ihkam porocaya ijo, ijo ihkam ngohawotoh orih moro-morong nyolung.

MARKUS 4:31

Amat Pohotala moretah, ang konuai kolou porobasa tuh: Ihco koloang sosawi kononin bain ihcobehti pongombulan turus tonanomoh ang tana. Luang sosawi rih luang ijo pongokoikoh ang kolunon tuh.

MARKUS 9:23

‘‘Inon hion'mu? Amat Amai duon?’’ hion Yesus. ‘‘Koparing orih duon, amat ulun tu'u-tu'u porocaya!’’

LUKAS 1:37

Tului bagi Pohotala eam aro ijo mustahel.’’

LUKAS 17:6

Tuhan mutah, ‘‘Amat ihkam anaingina koporocaya kohajon luang sosawi, ihkam duon nuhtui umba pu'un musai tuh, ‘Bosohpit ihko tutang totanom ang tasik,’ musti pu'un tuh ahkan numbun poretah'mu.’’

LUKAS 18:27

Yesus mutah, ‘‘Ijo eam aroharapan aang ulun, uras harapan aang Pohotala!’’

YOHANES 11:40

Yesus nuhtui umba Marta, ‘‘Eamrih jari Ahku nuhtui ahkan'kam: Amat ihko porocaya, ihko ahkan nohto kodorih kohajoi kowasan Pohotala!’’

1 KORINTUS 12:9

Roh ijo ihco rih ka'a, nonga ahkan ulun ijo ihco, koduon ijo luar biasa ahkan porocaya umba Kristus; rahatoh ahkan ijo bohkon Roh rih nonga kowasa ahkan ngopios ulun.

1 KORINTUS 13:2

Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

IBRANI 3:19

Huntuh ihto horahti ijo iro eam dahpot nyolong, tului iro eam porocaya umba Pohotala.