MATEUS 17:18 - BOWOT BOHUA

¹⁸ Turus Yesus moretah roh ja'at ijo ang luwang anak rih, soluka. Tutang roh ja'at rih soluka, turus anak orih pios ang ohkot rih ka'a.

MATEUS 17:18 ပူးပေါင်းရင်းမြစ်များ

MATEUS 12:22

Pongohuli anai omin nokuh Yesus ihcobehti ulun bobulen tutang bisu tului sonorupang bain roh ja'at. Yesus ngopios ulun orih, nyiring io dahpot hopander tutang nohto.

MATEUS 15:28

Turus Yesus nuhtui umba io, “Inai, tu'u-tu'u hajo kaporocaya'an'mu! Nauhoh nyolung inon ijo ihko jolikoh!” A'ang kotihka rih ka'a anak bawi rih pios.

MATEUS 17:17

Yesus mutah, “Eam inon ihkam tuh! Ihkam tu'u-tu'u ulun-ulun ijo nyahpang tutang eam porocaya. Nyiring mira Ahku harus mohcon umba ihkam tutang sabar toharep ihkam? Ngomin anak orih 'kanohtoi!”

MATEUS 17:19

Pongohuli murid-murid Yesus lombut nokuh-Oh cara bongoi tutang ngisok umba-Oh, “Amai, bain inon ihkai eam duon muhko roh ja'at orih?”

MATEUS 9:22

Uhunrih, Yesus ngulos tutang nohto bawi orih turus nuhtui umba io, “Tanggar ahtoi'mu anak-Ku! Tului ihko porocaya umba Ahku, ihko pios!” Ang ohkot orih ka'a ulunbawi rih pios.

MARKUS 1:34

Turus Yesus ngopios aro ulun ijo ngarot aro mahcam koporos rih tutang muhko ka'a aro roh ja'at. Io eam nyuhu roh-roh ja'at rih nuhtui, tului iro rih ta'ai, iai Io.

MARKUS 5:8

Ulun rih nuhtui kolouorih, tului Yesus nuhtui umba io, ‘‘Roh ja'at solukarih tahkan ulun tuh!’’)

LUKAS 4:41

Roh-roh ja'at ka soluka tahkan aro ulun, hawoi ngombak-ngoriak, ‘‘Ihko Anak Pohotala!’’ Tahpi Yesus ngorahang iro tutang eam aro nonga ijin iro nuhtui kolourih, tului iro kota'an ijo Io Lahca Ponyolamat.

LUKAS 8:29

Ulun rih nuhtui kolourih, tului Yesus moretah roh ja'at rih, soluka tahkanumba io. Jari bojoin io konowasa roh ja'at rih, nyiring oluka longoi tutang pa'aioh jari masung umba ratai bosi tutang io tomojaga tu'u-tu'u, io magun ka'a duon mahtot ratai bosi rih turus omin roh ja'at rih nokuh padang balambah.

LUKAS 9:42

Pondehan anak rih nyalan nokuh Yesus, roh ja'at rih mingas io tutang nguan behtiuoh konyereng-kohejang. Tahpi Yesus moretahoh roh ja'at rih soluka tutang piosrih anak orih. Turus anak orih tonyarah huli ahkan amaioh.

KESAH RASUL-RASUL 16:18

Pira-pira ondou kotahiuoh ulunbawi rih turus ngociak-ciak, kodorih Paulus nihou kosabaroh, nyiring io ngulos turus nuhtui umba roh ja'at rih, ‘‘Aang aran Yesus Kristus ahku moretah ihko soluka tahkan ulunbawi tuh!’’ Ohkot orih ka'a roh ja'at rih nohtah ulunbawi rih.