MATEUS 16:27 - BOWOT BOHUA

²⁷ Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 16:27 ပူးပေါင်းရင်းမြစ်များ

MATEUS 13:41

Anak Ulun ahkan nyuhu molehkat-molehkat-Oh nipun tahkan louk ukup aiuoh paring ijo kotuluioh ulun nguan dusa, tutang paring ulun bohkonoh ijo nguan koja'at.

MATEUS 13:49

Kodorih haloh ang Ondou Kiamat, molehkat-molehkat ahkan tulak ngopili ulun-ulun ijo ja'at tahkan ulun-ulun ijo numbun kohondak Pohotala.

MATEUS 24:30

Ulimba rih tanda Anak Ulun ahkan gihtan ang langit. Aang ohkot rih paring uhtus ang tana ahkan nangih. Iro ahkan nohto Anak Ulun lombut ang ngosan baunondou hapan kowasa tutang kohajoi ijo hajo.

MATEUS 25:31

“Amatnoin Anak Ulun lombut kolou Lahca tongitot molehkat-molehkat-Oh. Io ahkan tuot ang ngosan pododusan aiou ijo hajo.

MATEUS 26:64

Yesus mutah, “Kolouorih hion'mu. Tahpi porocaya iou: nopara uhuntuh ihkam ahkan nohto Anak Ulun tuot ang sila koto'un Pohotala Ijo Mahakowasa, tutang lombut ang ngosan baunondou ang langit!”

MATEUS 8:20

Yesus mutah, “Tohotung anai lowangoh, tutang bulung anai kosalahoh, tahpi Anak Ulun eam aro unukoh kaling.”

MARKUS 14:62

‘‘Ahku rih Io,’’ mutah Yesus, ‘‘tutang ihkam paring ahkan nopahjah Anak Ulun tuot ang sila kotoun Pohotala Ijo Pahamkowasa tutang lombut ang baunondou ang langit!’’

MARKUS 8:38

Amat ihcobehti mia ngahku Ahku tutang ajaran-Ku ang jaman dorhaka tutang ja'at tuh, Anak Ulun ka'a ahkan mia ngahku ulun rih, ang ohkot io lombut noin honong kowasa Amai-Oh, tohomboh molehkat-molehkat ijo borasih.’’

LUKAS 21:27

Aang ohkot orih Anak Ulun ahkan lombut ang baunondou homboh kowasa tutang kohajoi ijo hajo.

LUKAS 22:69

Tahpi nopara tahkan huntuh, Anak Ulun ahkan tuot ang hila kotoun Pohotala Ijo Mahakowasa.’’

LUKAS 9:26

Amat ulun mia ngahku Ahku tutang bara-Ku, Anak Ulun ka'a mahi mia ngahku ulun rih ang ohkot Io lombut noin honong kowasa-Oh, tutang honong kowasa Amai-Oh, tutang kowasa molehkat-molehkat ijo borasih!

YOHANES 21:22

Yesus mutah, ‘‘Jahkai Ahku kani io mohcon bolum johcok Ahku lombut, orih eam urusan'kam. Tahpi ihko ngahasu Ahku!’’

YOHANES 21:23

Mahka tosiar borihta ang marak murid Yesus, ijo murid orih eam ahkan mahtoi. Padahal Yesus eam nuhtui ijo murid rih eam ahkan mahtoi, molekan: ‘‘Jahkaioh Ahku kani io bolum nyiring Ahku lombut, orih eam urusan'kam.’’

KESAH RASUL-RASUL 1:11

‘‘O, ulun-ulun Galilea,’’ hion koduo behti rih, ‘‘ombai ihkam tombok iou ang anan nokara nokuh langit? Yesus ijo ihkam nohto hogahtang nokuh soruga rih ang toharep'kam, ahkan huli hino umba cara orih ka'a, kolou ijo ihkam nohtooh nanai.’’

RUMA 14:12

Jadi ihto nyino-nyinongoh harus nanggung-jawab kokaron gawin 'to, umba Pohotala.

RUMA 2:6

Tului Pohotala ahkan malos nyinong ulun sotimpal umba karon aanggawiuoh.

1 KORINTUS 15:23

Tahpi nyino-nyinong ahkan tonombolum numbun giliraiu; ijo pahtukoh Kristus, pongohuli noin ang ohkot Io lombut hino, nutut gilir ulun-ulun ijo barih ain Kristus.

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

1 KORINTUS 8:8

Kotu'ui ukun bongon eam nguan kohihco ihto umba Pohotala monjadi labih rapat. Amat ihto kuman ukun rih, ihto eam duon utung ino-inon. Tobalikoh amat ihto eam kumai ukun rih, ihto ka eam rugi ino-inon.

2 KORINTUS 5:10

Kotului musti ihto paringoh ahkan konomin nokuh noharep bosaran Kristus, tutang nyino-nyinong ahkan dahpot balosoh, sorurui umba gawiuoh ang kolunon tuh – gawi pios, ata'ai ka kaja'at.

EPESUS 6:8

Ingatrih ijo nyinong ulun, pios jihpon, kanika ulun morodehka, ahkan norima balosoh tahkan Tuhan, ahkan hal-hal pios ijo konuaioh.

KOLOSE 3:25

Tutang iai ka ijo nguan kosalan, ahkan ngohtun kosalan-kosalanoh rih; tului Tuhan eam nopahjah baui.

1 TESALONIKA 1:10

Iro mander ka'a, tohou koloukuwoh ihkam moharapoh polombut Anak Pohotala tahkan soruga, yorih Yesus, ijo jari tonombolum bain Pohotala tahkan popahtoi. Yesus orihrih ka'a ijo monyolamat ihto tahkan kosingin Pohotala ijo ahkan lombut.

1 TESALONIKA 4:16

Noin molehkat hajo ahkan na'ah umba auh ijo muhing, tutang sorunai Pohotala tomohpos kolou tanda aba-aba. Turus Tuhan Yesus bongoi ahkan nosuluh tahkan soruga, tutang ulun-ulun Kristen ijo jari mahtoi ahkan tongomonyun labih soun.

YAKOBUS 5:7

Bain orih, bosabarrih Konduang-konduang'ku, nyiring Tuhan lombut. Nohto rih koloukuwoh sabaroh ihcobehti Pongumo ngindoi, nyiring umoioh polombut buaoh ijo borega ahkaioh. Umba kosabar io ngindoi uhjan musim ngonyahtu tutang uhjan musim dolak.

1 PETRUS 1:17

Ihkam ngohawot Pohotala rih Amai, aang ohkot ihkam bodo'a nitu Io. Nah, Pohotala orihrih ijo ahkan mosara kolunon tohorong umba gawiu nyinong-behti, eam nohto kolunoi. Tului rih kotahin ihkam magun anai ang kolunon tuh, hondakrih ihkam mopohajo Pohotala a'ang pombolum'mu.

1 YOHANES 2:28

Jadi, anak-anak'ku, tahtaprih bolum hihco umba Kristus, mangat noin ang ohkot Io lombut, ihto noharep Io honong tuwi kohanyi, tutang eam nyuhuk arop tului mia.

YUDAS 1:14

Henoh, lihit ijo kopitu tahkan Adam, lomoi pu'u nujum tohou ulun-ulun rih. Henoh homouh, ‘‘Nohto, Tuhan ahkan lombut umba bokuhjan-kuhjan molehkat-molehkat-Oh ijo borasih,

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.

PONGORINAH 20:12

Tutang ahku nohto ulun-ulun mahtoi, hajo, koik, tombok toharep pododusan rih. Mahka surat-surat ka tonomirang. Turus ihco kobalun surat ijo bohkon tonomirang, yorih Surat Ulun Bolum. Pongohuli hukum tongonyahtu nokuh ngosan ulun-ulun mahtoi, hotohorong umba dolang gawin iro, numbun ijo tosurat luwang surat-surat rih.