MATEUS 16:21 - BOWOT BOHUA

²¹ Nopara tahkan ohkot orih, Yesus nuhtui turus tarang ahkan murid-murid-Oh, ijo Io harus tulak nokuh Yerusalem tutang nyuru aro ngarot tahkan okon-okon, imam-imam kopala, tutang guru-guru agama. Io ahkan buah punu, tahpi ang ondou kotolu Io ahkan bolum hoduli.

MATEUS 16:21 ပူးပေါင်းရင်းမြစ်များ

MATEUS 12:40

Yona mohcon tolu ondou tolu malom ang luwang buhtui ohcin hajo. Kodorih ka'a Anak Ulun ahkan mohcon tolu ondou tolu malom ang luwang buhtui tana.

MATEUS 16:22

Turus Petrus nguhut longon Yesus kosaro tutang ningak Io, hioi, “Mudah-mudahan Pohotala ngomahcu hal orih, Tuhan! Ara nyiring hal orih nyolung ang Tuhan!”

MATEUS 16:28

Kota'anrih! Tahkan louk ihkam ang ohtoi anai ijo eam mahtoi, hounumba nohto Anak Ulun lombut kolou Lahca.”

MATEUS 17:12

Tahpi Ahku nuhtui umba ihkam, Elia jari lombut, tahpi ulun-ulun eam kosono io; iro nguan io numbun konohuang iro ih. Tutang kodorih ka'a iro ahkan nguan Anak Ulun.”

MATEUS 17:9

Ohkot endo nosuluh tahkan pupungpuruk rih, Yesus mopingat endo, “A'ai momborihta ahkan ia-iai ka inon ijo ihkam nohtooh nanai, sounumba Anak Ulun tongomonyun tahkan popahtoi.”

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MATEUS 26:2

“Ihkam kota'an duo ondou hino Ondou Hajo Paska, tutang Anak Ulun ahkan tonyarah ahkan tonahpak ang sopolahki!”

MATEUS 26:47

Pondehan Yesus magun bopander, Yudas, ihcobehti tahkan duo balas murid-Oh rih lombut. Hombo-homboh umba io, lombut ka'a aro ulun ijo ngomin padang tutang tohtok kahju. Iro sonuhu bain imam-imam kopala tutang okon-okon Yahudi.

MATEUS 27:12

Tahpi uhun imam-imam kopala tutang okon-okon Yahudi nonga aro dawa toharep Yesus, Io eam mutah samasino.

MATEUS 27:63

tutang nuhtui, “Tuan, ihkai ingat ohkot pomunga orih magun bolum, Io pu'u nuhtui, ‘Ulimba tolu ondou, Ahku ahkan bolum.’

MATEUS 28:6

Io eam aro ang ohtoi. Io jari bolum, kolou ijo jari tonuhtui-Oh soun. Nokuh ohtoi nohto unukoh Io tomokaling.

MARKUS 8:31

Ulioh rih, Yesus nopara majar murid-murid-Oh ijo Anak Ulun musti ngarot aro, tutang ahkan tonolawan bain okon-okon, imam-imam kopala, tutang guru-guru agama. Io ahkan tomunu, tahpi aang ondou tolu Io ahkan bolum hoduli.

MARKUS 9:12

Yesus mutah, ‘‘Elia puna lombut labih soun, ahkan ngomorong karo aangihco. Tahpi koloukuwoh haloh umba Anak Ulun? Inon sabab ang luwang Surat Borasih tonyurat, ijo Io ahkan aro ngarot tutang konohina ulun?

LUKAS 17:25

Tahpi aang pahtukoh io harus aro ngarotporos tutang eam tonorima bain ulun-ulun jaman tuh.

LUKAS 24:46

Turus Io nuhtui umba iro, ‘‘Ang Surat Borasih tonyurat tohou Lahca Ponyolamat harus ngarot, tutang harus monyun huli tahkan popahtoi aang ondou ijo kotoluoh.