MATEUS 16:19 - BOWOT BOHUA

¹⁹ Ahku ahkan nonga ahkan'mu kuhci tahkan Kolunon Bohua Ain Pohotala. Inon ijo ihkam baca ang ngosan tana, ka'a tonobaca ang soruga. Tutang inon ijo ihko ngomorong rih ang ngosan tana, ka'a ahkan tonomorong ang soruga.”

MATEUS 16:19 ပူးပေါင်းရင်းမြစ်များ

MATEUS 18:18

“Ngota'an rih: Inon ijo hion ihkam ngahana ang kolunon, ahkan ngahana ang soruga. Tutang inon ijo hion'mu ngomorong ang kolunon, ka'a morong ang soruga.

YOHANES 20:23

Amat ihkam ngapun dusa ihcobehti ulun, Pohotala ka'a ngapunoh. Amat ihkam eam ngapun kosalan ihcobehti ulun, Pohotala ka'a eam ngapunoh.’’

KESAH RASUL-RASUL 15:7

Tahi sino iro pohihco tiruk. Kojoriai Petrus tombok hawui nuhtui, ‘‘Konduang-konduang! Ihkam bongon kota'an ang pira-pira ohkot ijo houn Pohotala ngopili ahku tahkan louk ihkam ahkan mborihta Kabar Hinut rih, ahkan ulun-ulun bohkon Yahudi, ahkan iro ka'a ngonih tutang porocaya.

2 KORINTUS 2:10

Amat ihkam mapun ulun ijo jari nguan kosalan toharep'kam, mahka ahku ka mapun ulun rih. Tului inon ijo jari ahku mapunoh – amat puna anai ijo porulu tonahpun – orih ahku ngapunoh ang toharep Kristus ahkan kopios ihkam.

1 TESALONIKA 4:8

Ulun ijo nulak ajaran tuh, eamoh nulak ulun molekan nulak Pohotala, ijo nonga Roh-Oh ijo borasih ahkan'kam.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.

PONGORINAH 11:6

Iro anaingina kowasa ahkan ngahtop langit, mangat ara uhjan kotahin iro mborihta, borihta tahkan Pohotala. Iro anaingina ka'a kowasa ngosan paring sahai danum, tutang ngubah danum monjadi daha. Tutang iro anaingina hino kowasa ahkan nahup tana umba mahca-mahcam porusak, mira iou iro tou nguaioh.

PONGORINAH 3:7

‘‘Ahkan molehkat ukup ang Piladelpia, nyurat koloutuh: Tuhrih tahkan Io ijo borasih tutang sojahti. Iorih ponambit kuhci ijo tongina Dawid; amat Io nguap, eam aro ihcobehti ka dahpot ngahtopoh, tutang amat Io ngahtopoh, eam ihcobehti ka dahpot nguapoh.

PONGORINAH 9:1

Turus molehkat kolimo mopos sorunaioh, tutang ahku nohto ihco potion ngonyahtu tahkan langit kongosan tana. Potion rih tononga kuhci lowun popahtoi.