MATEUS 16:17 - BOWOT BOHUA

¹⁷ “Utung sino ihko, Simon anak Yona!” hion Yesus. “Tului eamoh kolunon ijo nyarihta hal rih ahkan'kam, molekan Amai-Ku ijo ang soruga.

MATEUS 16:17 ပူးပေါင်းရင်းမြစ်များ

LUKAS 22:32

Tapi Ahku jari bodo'a ahkan'mu, Simon, ahkan koporocaya'mu ara luntur. Tutang amat ihkam jari huli ahkak-Ku ihko harus ngoba'as konduang-konduang'mu.’’

YOHANES 1:42

Andreas ngitot Simon nokuh Yesus. Yesus nutuneng Simon, hawui nuhtui, ‘‘Ihko Simon anak Yona. Ihko ahkan konohawot Kefas.’’ (Kefas sama umba Petrus, rimaioh: puruk bahtu.)

YOHANES 6:45

Ang luwang Buhku Nabi-nabi tonyurat koloutuh: ‘Paring ulun ahkan tongajar bain Pohotala.’ Jadi paring ulun ijo ngonih Amai tutang bolajar tahkan Io, lombut nokuh Ahku.

1 KORINTUS 15:50

Konohuang'ku, Konduang-konduang, iorih; behti ijo tonapa tahkan daha tutang usi, eam dahpot nyolong Kolunon Bohua Ain Pohotala; tutang behti ijo dahpot mahtoi, eam dahpot monjadi abadi.

GALATIA 1:16

Pohotala ngorinah Anak-Oh ahkak'ku, mangat Kabar Hinut tohou Anak-Oh dahpot ahku mborihtaoh ahkan ulun-ulun bohkon Yahudi. A'ang ohkot rih, ahku eam tulak ahkan ihcobehti ka ahkan nyawot nasehat.

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

EPESUS 3:5

Lomoi rahasia orih eam pu'u tomborihta ahkan ulun, tahpi huntuh Roh Pohotala ius ngorinahohrih ahkan rasul-rasuloh tutang nabi-nabi-Oh.

EPESUS 6:12

Tului ihto hokolahi eamoh molawan kolunon, molekan molawan koba'as kokaro sehtan-sehtan ijo ngowasa jaman ijo ja'at tuh. Ihto molawan koba'as roh-roh ja'at ijo bokowasa ang pinda langit.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

1 PETRUS 5:1

Ahku nyawot monohtoani, dolang okon ukup'mu. Ahku nyurat tuh kolou jolahan okon, tutang kolou ulun ijo jari monyaksioh bongoi kongarot Kristus, tutang ijo ahkan umba ka'a konohajooh, amat noin kohajon Kristus tongorinah ahkan ulun. Ahku nyawot hawui paham,

1 YOHANES 4:15

Ia-iai mongahku ijo Yesus rih Anak Pohotala, Pohotala bolum hihco umba ulun rih, tutang ulun rih ka'a bolum hihco umba Pohotala.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.