MATEUS 14:19 - BOWOT BOHUA

¹⁹ Pongohino Yesus nyuhu ulun aro rih tuot ang ngosan uru. Turus Io ngomin limo luhte tutang duo ohcin rih, turus nokara nokuh langit tutang ngohawot torimakasih ahkan Pohotala. Ulimbarih Io nyila-nyila luhte rih umba longoi-Oh, tutang nonga orih ahkan murid-murid-Oh ahkan'ndo mbagi-mbagioh ahkan ulun aro rih.

MATEUS 14:19 ပူးပေါင်းရင်းမြစ်များ

MATEUS 14:18

“Omin kanohtoi,” hion Yesus.

MARKUS 6:39

Turus Yesus nyuhu paring ulun rih tuot hopulou-hopulou ang uru ijo bohijou.

MARKUS 6:41

Pongohuli Yesus ngomin limo luhte tutang duo ohcin rih, turus nokara nokuh langit, tutang ngohawot torimakasih ahkan Pohotala. Uli rih Io milat-milat luhte rih umba longoi-Oh, tutang mbilah orih ahkan murid-murid-Oh, nyuhu magioh ahkan ulun aro rih. Tutang duo ohcin rih tonomagi ka'a, ahkan ulun aro paring.

MARKUS 7:34

Uliorih rih Yesus nokara nokuh langit, nguhut hasongoh ba'a-ba'as tutang nuhtui umba ulun rih, ‘‘Epata,’’ ijo rimai-Oh ‘‘Bokuap!’’

LUKAS 22:17

Uliorih Yesus ngahtang sakir anggur, turus ngohawot do'a torimakasih ahkan Pohotala, pongohuli nuhtui, ‘‘Ngomin tuh, tutang magi-magiohrih;

LUKAS 22:19

Umbotrih rih Yesus ngomin luhte. Tutang uli ngohawot do'a torimakasih, Io mbagi-mbagi luhte rih umba longoi-Oh, turus nongaoh ahkan iro, tutang nuhtui, ‘‘Jihtuh behtik-Ku [ijo tonyarah ahkan ihkam. Nguanohrih koloutuh ahkan mingat Ahku.’’

LUKAS 24:30

Aang ohkot tuot kuman homboh iro, Yesus ngomin luhte, ngohawot torimakasih ahkan Pohotala, mbola-bolah luhte rih umba longoi-Oh, turus nonga ahkan iro.

LUKAS 9:14

(Anai kurang labih limo kujan ulunbahkas ang anan.) Yesus nuhtui umba murid-murid-Oh, ‘‘Nyuhurih ulun-ulun tuh tuot hopulou-hopulou kurang labih limo pulu behti aang ihco kopulou.’’

LUKAS 9:16

Turus Yesus ngomin limo luhte tutang duo ohcin rih, uliorih nokara nokuh langit tutang ngohawot torimakasih ahkan Pohotala. Pongohino Io milah-milat luhte tutang ohcin rih hapan longoi-Oh, turus nongaoh ahkan murid-murid-Oh mangat magi-milah ahkan ulun aro rih.

YOHANES 11:41

Mahka iro ngahtun bahtu orih. Pongohino Yesus nokara nokuh langit tutang nuhtui, ‘‘Torimakasih Amai, tului Ihko jari ngonih Ahku.

YOHANES 6:23

Pongohino pira-pira alut tahkan lowu Tiberias lombut tutang tuli doni unuk ulun aro rih kuman luhte, uli Tuhan ngohawot torimakasih.

KESAH RASUL-RASUL 27:35

Uli nuhtui kodorih rih Paulus ngomin luhte turus nuhtui torimakasih ahkan Tuhan ang boun iro paringoh. Pongohino io mombagi-bagi luhte rih umba longoioh, turus iro kumaioh.

RUMA 14:6

Ulun ijo monguna ondou-ondou ijo botatu, ulun rih nguan kodorih, ahkan mohoromat Tuhan. Ulun ijo kuman boranga-rangaioh, nguan kodorih ahkan mohoromat Tuhan, kotului io norimakasih ahkan Pohotala ngosan ukun rih. Kodorih ka'a umba ulun ijo kuman tihkas ukun botatu iou; ulun rih ka'a mohoromat Tuhan tutang norimakasih ahkan Pohotala.

1 KORINTUS 10:16

Aang ohkot ihto ngorih anggur honong ngohawot torimakasih ahkan Pohotala, eamkah orihrih korinah, ijo ihto hihco umba Kristus a'ang popahtoi-Oh? Tutang a'ang ohkot ihto milat nulat ruhte ahkan ukun hombo-homboh, eamkah orih korinah ijo ihto, anai hihco umba behtin Kristus?

1 KORINTUS 10:31

Inon ka ijo Konduang nguai – Konduang kumai ata'ai Konduang ngorihoh – nguan paringoh orihrih ahkan mohoromat Pohotala.

1 KORINTUS 11:24

tutang ulimba Io ngohawot torimakasih ahkan Pohotala ngosan ruhte rih, Io molah-molah ruhte rih umba longoi-Oh, turus nuhtui, ‘‘Jituh behtik-Ku ijo tonosarah ahkan'kam. Nguan ka'a tuh ahkan ngenang Ahku.’’

KOLOSE 3:17

Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.