MATEUS 13:38 - BOWOT BOHUA

³⁸ Umo rih, iorih kolunon tuh. Bonyi ijo pios rih io rih ulun-ulun ijo monjadi ukup ain Pohotala. Tingon orihrih ulun-ulun ijo hobarih hihco sehtan.

MATEUS 13:38 ပူးပေါင်းရင်းမြစ်များ

MATEUS 13:19

Bonyi ijo tonuhkan ang jalan, nindung ulun-ulun ijo ngonih Kabar Hinut, tohou koloukuwoh Pohotala moretah, tahpi eam solembang. Ang ja'at rih lombut tutang mosuwit inon ijo ius tomonyi ang ahtoi'ndo.

MATEUS 24:14

Tutang Kabar Hinut, tohou koloukuwoh Pohotala moretah ahkan tonyiar nokuh hopus kolunon, mangat paring ulun ngonihoh. Uliorih rih ndai punai rih lombut ondoukiamat.”

MATEUS 5:37

Nuhtui iou, amat ‘Yo’ ata'ai ‘Eam’ – molowi umba orih, polombutoh tahkan sehtan.”

MATEUS 8:12

Padahal ulun-ulun ijo soharusoh monjadi uhkup ain Pohotala ahkan tongindiu nokuh kopindong ang konaha. Ang anan iro ahkan nangih tutang ngarot.”

LUKAS 24:47

Ka'a ijo ngosan aran Lahca Ponyolamat rih koharusoh tomborihta ahkan uhtus-uhtus, ijo ulun harus hubah, tutang ijo Pohotala ngapun dusa-dusa. Tutang borihta rih harus tomborihta nopara tahkan Yerusalem.

YOHANES 12:24

Tu'u morong auh-Ku tuh: Amat ihcokoluang paroi eam tongombulan ang luwang tana tutang mahtoi, io ahkan tohtap mohcon ihcokoluang. Tahpi amat luang paroi rih mahtoi kolawun io ahkan momua tutang aro paroi.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

KESAH RASUL-RASUL 13:10

turus nuhtui, ‘‘O pobula tamam, anak jahanam! Ihko musuh kokaron ijo morong. Ombai ihko eam kani tondo morusak rancana Pohotala ahkan nyolamat ulun?

RUMA 10:18

Tahpi ahku ngisok: Kuwoh puna iro jaha ngonih borihta rih? Musti jari! Tului luwang Surat Borasih tonyurat koloutuh, ‘‘Auh iro jari ngua-nguak ang sohapus kolunon, tuhtui-tuhtui'ndo jari johcok nokuh topahkan kolunon.’’

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

RUMA 8:17

Nah, amat ihto anairih anak-anak-Oh, mahka ihto ka norima waris-Oh ijo tonahtap bain Pohotala ahkan anak-anak-Oh. Ihto ahkan norima hombo-homboh umba Kristus inon ijo jari tonahtap Pohotala ahkai-Oh, tului amat ihto ngarot umba Kristus, ihto ahkan tonohoromat ka'a homboh Io.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

1 PETRUS 1:23

Kotului nguha auh Pohotala ijo bolum tutang ijo abadi ihkam ius tonojadioh kolunon bohua, ijo eamoh konanak tahkan kolunon, molekan tahkan Amai ijo abadi.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

PONGORINAH 14:6

Turus ahku nohto ihcobehti molehkat bohkon, ijo na'ang ang langit. Molehkat rih ngomin borihta, tohau Kabar Hinut ijo abadi ahkan tonosiar, ahkan kolunon ang tana, yorih ahkan paring uhtus, lihting, basa tutang nogara.