MATEUS 13:21 - BOWOT BOHUA

²¹ Tahpi kabar orih eam muhat timbon ang ahtoi'ndo tului orih eam tahan tahi. Kodorih iro ngarot kosusah ata'ai tonoporos bain Kabar Hinut orih, nyolung iro murtad.

MATEUS 13:21 ပူးပေါင်းရင်းမြစ်များ

MATEUS 10:22

Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

MATEUS 11:6

Kosanangsolamat ahkan ulun ijo eam aro sokehtaoh nulak Ahku!”

MATEUS 13:20

Bonyi ijo tonuhkan ang unuk ijo bobahtu liang, nindung ulun-ulun ijo ngonih Kabar Hinut orih, jion norimaoh hawoi jolik ahtoi.

MATEUS 13:57

Mahka iro nulak Yesus. Turus Yesus nuhtui umba iro, “Ihcobehti nabi tomohoromat ang amo-amoh, kocoali ang lowu-humaoh, tutang ang lohpou-kosalah aiu bongoi.”

MATEUS 13:6

Tahpi ohkot mahtan ondou jari nyoput, uhat-uhatoh nopara molanyu, turus koring tutang mahtoi, tului uhatoh eam timbon ang tana.

MATEUS 24:13

Tahpi ulun ijo tehen johcok laiuoh, ahkan tonyolamat.

MATEUS 26:31

Turus Yesus nuhtui ahkan murid-murid-Oh, “Aang ngolomi tuh ihkam paring ahkan nokoru nohtah Ahku; tului aang Surat Borasih tonyurat: Pohotala nuhtui, ‘Ahku ahkan munu sokahtik orih, tutang kawan tobirioh ahkan bororawuh.’

MATEUS 26:33

Petrus nuhtui umba Yesus, “Nauhoh paring ijo bohkonoh nohtah Amai, ahku samasino eam!”

MARKUS 4:17

Tahpi kabar rih eam nguhat timbon aang ahtoi'ndo, nyiring eam tahan tahi. Kodorih iro ngarot kosusah ata'ai tongoporos bain norima kabar rih, turus iro murtad.

LUKAS 8:13

Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

YOHANES 6:26

Yesus mutah, ‘‘Tu'u-tu'u, ihkam ngurah Ahku, eam kotului ihkam jari horahti maksud tandahelan-tandahelan ijo jari Ahku nguai, tahpi tului ihkam jari kuman nyiring bosuh.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

GALATIA 6:12

Ulun-ulun ijo kani nyuhung aropoh umba hal-hal carakonanak, iro ijo bousaha, jojuan ihkam numbun poroturan sunat. Tahpi iro nguan rih baya mangat iro eam tonoporos ulun Yahudi bain kotului sopolahkin Kristus.

GALATIA 6:15

Tonosunat ata'ai eam tonosunat, orih eam boguna. Ijo boguna io rih monjadi ulun bohua.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

PILIPI 1:6

Pohotala bongoi ijo monopara gawi ijo pios rih aang'kam. Tutang ahku yahkin Io ahkan noturus karon gawi orih rih nyiring tondo aang Ondou Kristus Yesus lombut hoduli.

2 TIMOTEUS 1:15

Ihko ta'an ijo paring ulun ang wilayah Asia jari nohtah ahku, kodorih ka'a Pigelus tutang Hermogenes.

2 TIMOTEUS 4:10

Tului Demas jari nohtah ahku, kotului nyayang kolunon tuh. Io ius tulak nokuh Tesalonika. Kreskes jari tulak nokuh Galatia, tutang Titus nokuh Dalmatia.

YAKOBUS 3:2

Ihto paringoh bojoin nguan kosalan. Tahpi ulun ijo eam pu'u nguan kosalan umba tuhtui-tuhtuioh, io ulun ijo soporuna, ijo duon mongowasa hopus aropoh.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.