MATEUS 13:19 - BOWOT BOHUA

¹⁹ Bonyi ijo tonuhkan ang jalan, nindung ulun-ulun ijo ngonih Kabar Hinut, tohou koloukuwoh Pohotala moretah, tahpi eam solembang. Ang ja'at rih lombut tutang mosuwit inon ijo ius tomonyi ang ahtoi'ndo.

MATEUS 13:19 ပူးပေါင်းရင်းမြစ်များ

MATEUS 12:26

Kodorih ka'a, ang luwang kolahca'an Sehtan rih, amat ihco kopulou muhko pulou ijo bohkon, mahka kolahcan Sehtan rih ijo jari pisah pinja, tutang ahkan bokahkas.

MATEUS 13:20

Bonyi ijo tonuhkan ang unuk ijo bobahtu liang, nindung ulun-ulun ijo ngonih Kabar Hinut orih, jion norimaoh hawoi jolik ahtoi.

MATEUS 13:38

Umo rih, iorih kolunon tuh. Bonyi ijo pios rih io rih ulun-ulun ijo monjadi ukup ain Pohotala. Tingon orihrih ulun-ulun ijo hobarih hihco sehtan.

MATEUS 4:23

Ang Galilea, Yesus mongodiling ang sohopus tana tutang majar ang lohpau sombayang. Io mborihta Kabar Hinut, ijo Pohotala ahkan moretah. Tutang Io ka'a ngopios ulun-ulun mondam tutang cacat.

MATEUS 5:37

Nuhtui iou, amat ‘Yo’ ata'ai ‘Eam’ – molowi umba orih, polombutoh tahkan sehtan.”

MARKUS 4:15

Bonyi ijo tomonyi ang jalan nindung ulun-ulun ijo ngonih borihta tohou koloukuwoh Pohotala moretah. Kolourih ngonih, sehtan lombut tutang ngomin inon ijo jari konombulan luwang ahtoi iro.

LUKAS 10:9

Nawas ulun-ulun ijo mondam ang lowu rih, tutang nyorihta ahkan ulun-ulun ang anan, ‘Pohotala pohos ahkan nopara moretah kolou Lahca ang tohun ihkam.’

LUKAS 9:2

Pongohuli Io nyuhu iro tulak ngopios ulun ijo poros tutang monyiar borihta tohou koloukuwoh Pohotala moretah kolou Lahca.

YOHANES 18:38

Pilatus ngisak umba Io, ‘‘Inon rimaioh komorong?’’ Turus Pilatus soluka hino tahkan istana, tutang nuhtui umba ulun-ulun Yahudi, ‘‘Ahku eam sombang ihco kosalan ka aang Io.

YOHANES 8:43

Ombai ihkam eam solembang inon ijo Ahku nuhtui? Kotului ihkam eam tahan ngonih auh ajaran-Ku.

KESAH RASUL-RASUL 17:32

Kotihka ulun-ulun rih ngonih tohou bolum hoduli uli popahtoi, anai tahkan louk iro ngota'oauh Paulus rih. Anai ka'a ijo nuhtui, ‘‘Ihkai jolik ngonih Konduang mborihta hino tohou hal orih.’’

KESAH RASUL-RASUL 18:15

Tahpi tuh anairih hokolawan tohou auh-auh tutang aran-aran hawui hukum-hukum'kam bongom! Jadi ihkam ijo harus mongobuahoh mohaumoh. Ahku bahat nanyamoh muhtus hal-hal kolouorih!’’

KESAH RASUL-RASUL 20:25

Ahku ius masap Konduang-konduang paringoh, tutang mborihta ka'a tohou koloukuwoh Pohotala moretah kolou Lahca. Huntuh ahku nanyam eam ahkan hosombang hino umba Konduang-konduang.

KESAH RASUL-RASUL 28:23

Mahka iro tutang Paulus monahtap ihco ondou ahkan hosombang. Aang ondou orih aro ulun lombut nokuh unuk Paulus. Tahkan ngohkos johcok sohit Paulus monyorihta tutang mborihtaoh ahkan'ndo tohou Kabar Hinut koloukuwoh Pohotala momorentah kolou Lahca. Hapan ayat-ayat tahkan Buhku Museh tutang Buhku Nabi-nabi, Paulus ngurah jalan nguan iro porocaya tohou Yesus.

RUMA 1:28

Bain tului ulun eam komo porulu ngosono Pohotala, mahka Pohotala mohonau tiruk'ndo monjadi rusak, nyiring iro nguanoh hal-hal ijo iro eam tou nguaioh.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 2:8

Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

2 TESALONIKA 2:12

Akibatoh, paring ulun ijo jolik ahkan dusa, tutang eam porocaya umba ijo morong rih, ahkan tonohukum.

IBRANI 2:1

Orihrih kotuluioh ihto harus labih tu'u-tu'u nambit aang ajaran-ajaran ijo jari ihto ngonihoh, mangat ihto ara nohtah koporocayan ihto.

1 YOHANES 3:12

Ara ihto kolou Kain, ijo monjadi anak Sehtan tutang munu konduangoh bongoi. Inon kotuluioh Kain munu konduangoh rih? Bain hal-hal ijo konuaioh anairih sala, tahpi hal-hal ijo konuan konduangoh anairih morong.

1 YOHANES 5:18

Ihto ta'an ijo paring ulun ijo jari monjadi anak-anak Pohotala, eam hototurus mawi dusa, tului Anak Pohotala ngolindungoh, tutang si Ja'at eam dahpot mawi ino-inon tohimo io.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.