MATEUS 13:11 - BOWOT BOHUA

¹¹ Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

MATEUS 13:11 ပူးပေါင်းရင်းမြစ်များ

MATEUS 13:10

Pongohuli murid-murid Yesus lombut tutang ngisok umba Io, “Ombai Amai hapan porobasa amat hopander umba ulun aro rih?”

MATEUS 16:17

“Utung sino ihko, Simon anak Yona!” hion Yesus. “Tului eamoh kolunon ijo nyarihta hal rih ahkan'kam, molekan Amai-Ku ijo ang soruga.

MATEUS 19:11

Yesus mutah, “Eam paring ulun duon norima karo auh orih rih, tihkas ulun-ulun ijo jari tonahtap bain Pohotala.

MATEUS 20:23

Yesus nuhtui, “Puna ihkam ahkan ngorih ka'a tahkan sakir-Ku. Tahpi tohou iai ijo tuot ang komuloi tutang kotouk-Ku orih eam Ahku ijo bohak nuhkasoh. Unuk-unuk rih anairih ahkan ulun-ulun, ijo jari tonuhkas bain Amai-Ku.”

MARKUS 10:40

Tahpi tohou iai ijo ahkan tuot ang koto'u ata'ai komuloi-Ku, orih eam Ahku ijo bohak ngahtuh. Pohotala ijo ngahtuhoh ia-iai ijo ahkan tuot ang unuk-unuk orih.’’

MARKUS 4:11

Mahka Yesus nuhtui umba iro, ‘‘Ihkam jari tononga pononga, mangat ngota'an dolang bokulim tohou koloukuwoh Pohotala moretah. Tahpi ulun-ulun ijo luar, tonongajar umba porobasa,

LUKAS 8:10

Yesus mutah, ‘‘Ihkam jari tononga pononga ahkan ngota'an ijo bokulim, tohou koloukuwoh Pohotala moretah kolou Lahca. Tahpi ulun-ulun bohkon tongajar umba porobasa, mangat iro nohtoanioh, tahpi eam ta'an inon ijo nyolung; tutang iro ngonih, tahpi eam solembang.’’

YOHANES 6:65

Turus Yesus nuhtui hino, ‘‘Orihrih kotuluioh Ahku monyorihtaoh ahkan'kam, ijo eam ihcobehti ka dahpot lombut nokuh Ahku, amat Amai eam toungoduonohrih.’’

YOHANES 7:17

Ulun ijo kani numbun konohuang Pohotala, ahkan ta'an inon rih ajaran-Ku lombutoh tahkan Pohotala ata'ai tahkan Ahku bongok.

KESAH RASUL-RASUL 16:14

Ihcobehti tahkan louk iro anai podagang benang ungu, araioh Lidia tutang asaroh tahkan Tiatira. Io sita Pohotala mahka Roh Tuhan nggerek ahtoioh, mangat io norima inon ijo Paulus ngajar ahkaioh.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

1 KORINTUS 13:2

Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

1 KORINTUS 15:51

Nohtoanilah rahasia tuh: Eam paringoh ihto ahkan mahtoi, tahpi ihto paringoh ahkan boubah.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

1 KORINTUS 4:1

Ngohurih ihkai pohalu-pohalu Kristus ijo botanggung-jawab mborihtaoh rancana-rancana Pohotala ijo jaha tongota'an kolunon.

1 KORINTUS 4:7

Iai ijo ngonjadi Konduang labih tahkan ulun bohkon? Eamlah dolang aang'co Konduang norimaoh tahkan Pohotala? Jadi ombai kani ngojuhu arop, kolo-kolou inon ijo anai aang Konduang rih, eam ang'co ijo tononga?

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 5:32

Ayat jorih bosuang rimai ijo timbon. Tutang ahku ngaitoh rih umba tutungoh, holat Kristus tutang ukup.

EPESUS 6:19

Tutang bodo'a ka'a ahkak'ku mangat ang ohkot ahku mborihta, Pohotala nonga ahkak'ku tuhtui-tuhtui ijo kona. Tutang mangat ahku honong bohanyi dahpot mborihta rahasia Kabar Hinut rih.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

1 TIMOTEUS 3:9

Iro harus nambit ba'a-ba'as umba ahtoi homboruan ijo borasih aang ajar koporocayaan Kristen, ijo jari tongorinah bain Pohotala.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

1 YOHANES 2:20

Tahpi ihkam jari monorima Roh Pohotala, ijo tonusuh bain Yesus Kristus, tutang orih kotuluioh ihkam paringoh kosono ajar ijo morong rih.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.