MATEUS 12:44 - BOWOT BOHUA

⁴⁴ Bain tului orih io nuhtui, ‘Ahku ahkan huli nokuh lohpou ijo ius ahku nohtahoh.’ Kotihka io johcok ang anan, lohpou orih buhang, borasih, tutang toahtur.

MATEUS 12:44 ပူးပေါင်းရင်းမြစ်များ

MATEUS 12:29

Koloukuwoh ulun dahpot nyolong, nokuh lohpou ulun ijo ba'as, ahkan nyilou ponahtouoh, amat io eam houn manga ulun ba'as rih? Uliorih, punai io duon nyilou ponahtouoh.

MATEUS 12:43

“Amat roh ja'at nohtah ihcobehti ulun, roh orih hokodiling nokuh karo-unuk ijo tojahkoring, ahkan ngurah unuk nondokobo'ooh, tahpi io eam nyombangoh.

MATEUS 12:45

Turus io tulak ngomin pihtu roh bohkon ijo labih ja'at tahkan io. Pongohuli iro nyolong koluwang ulun orih, turus mohcon ang anan. Tutang kojoriaioh ulun rih monjadi lobien koja'atoh umba asaroh. Ijorih ka'a ijo ahkan nyolung umba ulun-ulun ja'at jaman tuh.”

LUKAS 11:25

Ohkot io johcok ang anan, io nyombang lohpou rih borasih tutang tosusun pios.

YOHANES 12:6

Yudas nuhtui kodorih eam kotului io nohtoani ulun porosbolum, tahpi kotului io ponahkou. Io bojoin ngomin duit tahkan kas ulun aro ijo konipos ang io.

YOHANES 13:2

Yesus tutang murid-muridoh rahat kuman ngolomi. Sehtan jari nyolong nonga tiruk ang luwang ahtoi Yudas anak Simon Iskariot ahkan ngarana Yesus.

YOHANES 13:27

Tona'a uliumba Yudas norima luhte rih, sehtan nyolong nokuh luwang ahtoioh. Turus Yesus nuhtui umba io, ‘‘Nguaiohrih jeleng iou inon ijo kani ihko nguaioh.’’

1 KORINTUS 11:19

Puna jari kopahtutoh lombut kopisah ang louk ihkam, mangat gihtan noin ia-iai ulun Kristen ijo sojahti.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.