MATEUS 12:29 - BOWOT BOHUA

²⁹ Koloukuwoh ulun dahpot nyolong, nokuh lohpou ulun ijo ba'as, ahkan nyilou ponahtouoh, amat io eam houn manga ulun ba'as rih? Uliorih, punai io duon nyilou ponahtouoh.

MATEUS 12:29 ပူးပေါင်းရင်းမြစ်များ

MATEUS 12:28

Tahpi Ahku muhko roh ja'at umba kowasa Roh Pohotala. Tutang tului orih, rimai ijo Pohotala jari nopara moretah ang louk ihkam.

MATEUS 12:30

Ulun ijo eam barih aik-Ku, kotu'ui io ngolawan Ahku. Tutang ulun ijo eam umba Ahku kotu'ui io morusak gawik-Ku!

MARKUS 3:27

Eam aro ihcobehti ka nyolong ahkan luwang lohpou ihcobehti ulun ijo ba'as, tutang monyilou ponahtouoh, amat io eam labih houn masung ulun ba'as rih. Uliorih kolowun io duon monyilou ponahtou ulun rih.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.