MATEUS 11:5 - BOWOT BOHUA

⁵ Ulun bobulen tou nohto, ulun bolomu tou nyalan, ulun bobelang ijo ngoli pios; ulun borengen dahpot ngonih; ulun ijo mahtoi hoduli bolum; tutang Kabar Hinut tahkan Pohotala tonyiar ahkan ulun-ulun ijo porosbolum.

MATEUS 11:5 ပူးပေါင်းရင်းမြစ်များ

MATEUS 10:8

Ngopios ulun-ulun ijo poros, ngombolum ulun-ulun ijo mahtoi; ngopios ulun-ulun ijo boponyahkit belang 'jo ngoli, tutang muhko roh-roh ja'at. Ihkam jari norima paringoh tuh honong eam tomoli. Jadi nonga ka'a hawui eam bojual.

MATEUS 11:4

Yesus mutah, “Buliih nokuh Yohanes tutang mborihta ahkai, inon ijo ihkam ngonih tutang nohto'.

MATEUS 12:13

Pongohuli Yesus nuhtui umba ulun ijo longoioh mahtoi silai orih rih, “Nyuhcuoh longon'mu.” Ulun rih nyuhcu longoioh, tutang longoi rih pios kolou longoi ijo silaioh.

MATEUS 21:14

Ulun-ulun bobulen tutang bolomu lombut nokuh Yesus ang Lohpou Tuhan, tutang Io ngopios iro.

MATEUS 5:3

“Kosanangsolamat ahkan ulun, ijo mokomo eam badaya tutang tihkas bohapang ang Tuhan ih; iro rih anai anak-ukup ain Pohotala!

MATEUS 9:30

Mahka iro tou nohto. Yesus pingat iro honong karas, mangat ara monyiar borihta hal orih ahkan iai ka'a.

MARKUS 7:37

Tutang paring ulun ijo ngonih rih helan samasino. Iro nuhtui, ‘‘Paringoh konuai-Oh honong pios! Mahihino Io nguan ulun borengen duon ngonih, tutang ulun bisu duon pander!’’

MARKUS 9:25

Ohkot Yesus nohto ijo ulun aro nopara lombut hopuhpung, Io moretahoh roh ja'at rih honong tuhtui, ‘‘Roh borengen tutang bisu, Ahku moretahoh ihko soluka tahkan anak tuh, tutang ara samasino nyolong huli nyorupang io!’’

LUKAS 4:18

‘‘Roh Tuhan anai aang Ahku, tului Io jari ngahtang Ahku ahkan mborihtaoh Kabar Hinut ahkan ulun porosbolum. Io nguhtus Ahku ahkan monyiar koliwus bagi ulun tonotawan tutang kopios ahkan ulun ijo bobulen; ahkan momorodehkaoh ulun tohenyek

YOHANES 10:25

Yesus mutah, ‘‘Ius Ahku nuhtui ahkan ihkam, tahpi ihkam eam porocaya. Gawi-gawi ijo Ahku nguai ngosan aran Amai-Ku, nonga bukti tohou Ahku.

YOHANES 10:38

Tahpi tului Ahku nguaioh, porocaya iou ihkam umba inon ijo Ahku nguai orih, oluka ihkam eam kani porocaya umba Ahku. Honong kolourih ihkam kota'an tutang solembang ijo Amai tahtap hihco umba Ahku, tutang Ahku tahtap hihco umba Amai.’’

YOHANES 2:23

Pondehan Yesus anai ang Yerusalem ang ohkot Pesta Paska, aro ulun porocaya ahkai-Oh, tului tandahelan-tandahelan ijo konuai-Oh.

YOHANES 3:2

Aang sino ngolomi io lombut nokuh Yesus tutang nuhtui, ‘‘Amai Guru, ihkai kota'an Amai tonyuhu Pohotala. Tului eam ihcobehti ka duon nguan tandahelan kolou ijo Amai nguai, amat Pohotala eam homboh io.’’

YOHANES 5:36

Tahpi kosaksian-Ku labih hajo umba kosaksian Yohanes. Inon ijo huntuh Ahku nguaioh tuh, ijo orih gawi ijo tononga Amai ahkak-Ku, mbuktioh ijo Amai jari nyuhu Ahku.

YOHANES 9:7

turus nuhtui ahkaioh, ‘‘Tulak muhi arop'mu ang Tolaga Siloam.’’ (Siloam rimai ijo ‘Sonuhu’.) Mahka ulun bobulen orih tulak muhi bauimahtaioh. Ohkot io hoduli, io jari dahpot nohto.

KESAH RASUL-RASUL 2:22

Konduang-konduang, ulun-ulun Israel! Ngonihrih inon ijo ahku nuhtuioh tuh: Yesus ulun Nasaret rih jari nonga tugas bain Pohotala ahkan konduang. Orih korinah sasino aang kahtahelan-kahtahelan tutang hal-hal luar-biasa ijo Pohotala nguaioh ang louk ihkam hopatou Yesus Kristus. Paring ohrih konduang bongon jari kota'an.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.