MATEUS 11:11 - BOWOT BOHUA

¹¹ Ingatrih! Ang kolunon tuh eam aro ulun ijo labih hajo tahkan umba Yohanes Popondus. Oluka kodorih ulun ijo pongokoikoh ang louk ukup ain Pohotala, labih hajo umba Yohanes.

MATEUS 11:11 ပူးပေါင်းရင်းမြစ်များ

MATEUS 11:10

Tului Yohanes orihrih ijo titun ang ayat Surat Borasih tuh, ‘Jituh soruhan-Ku, hion Pohotala, Ahku nyuhu io labih houn, tahkan umba Ihko, mangat io nandang jalan ahkan-Mu.’

MATEUS 11:12

Tahkan Yohanes monyiar borihtaoh johcok ang uhuntuh, ukup ain Pohotala tongolawan bain ulun-ulun ijo bousaha nguwasaoh hapan kokaras.

MATEUS 3:1

Ang ohkot orih lombut Yohanes Popondus ang padang balambah ang Yudea tutang nopara bokotbah.

MATEUS 3:11

Ahku mopondus ihkam umba danum, ahkan ngorinah ijo ihkam jari hubah, tahkan dusa-dusan'kam; tahpi ijo ahkan lombut uli ahku, ahkan mopondus ihkam umba Roh Pohotala, tutang baho. Io ijo hajo umba ahku. Ahkan nguwat talin sopahtu-Oh ka ahku eam gunai.

MATEUS 5:19

Bain kotului orih, ia-iai molanggar anai ihco, tahkan louk poretah-poretah orih, oluka ijo pongokoikoh tutang majar ulun nguan kodorih ka'a, ahkan jadi ijo paling pongokoik ang louk uhkup ain Pohotala. Sobalikoh, ia-iai molalus poretah-poretah orih tutang majar ulun bohkon nguan kodorih ka'a, ahkan monjadi hajo ang louk uhkup ain Pohotala.

LUKAS 1:15

Io ahkan monjadi ulun hajo numbun topahjah Tuhan, tutang io eam ahkan ngorih anggur ata'ai korih ijo mombusou. Tahkan io konanak, io ahkan konowasa bain Roh Pohotala.

LUKAS 7:28

‘‘Ingatrih!’’ hion Yesus hino, ‘‘ang kolunon tuh eam pu'u anai ulun ijo labih hajo tahkan Yohanes Popondus. Tahpi ulun ijo paling koik ang louk ukup Pohotala, labih hajo tahkan Yohanes Popondus.’’

LUKAS 9:48

Turus Io nuhtui umba murid-murid-Oh, ‘‘Ulun ijo norima anak tuh tului Ahku, rimai norima Ahku. Tutang ulun ijo norima Ahku, Io norima ijo nyuhu Ahku. Tului ulun ijo paling koik ang louk ihkam, iorih ijo paling hajo!’’

YOHANES 1:15

Yohanes lombut kolou saksi-Oh, io momborihta rih: ‘‘Tuhrih Io ijo ahku nuhtuioh: Io ahkan lombut labih pongohuli tahkan ahku, tahpi labih hajo tahkan ahku, kotului sounumba ahku anai, Io jari anai.’’

YOHANES 1:27

Io lombut labih pongo tahkan ahku, tahpi ahkan nguwat kahut soruhpah-Oh ka ahku eam pahtut.’’

YOHANES 10:41

Aro ulun lombut nokuh Io. Iro nuhtui, ‘‘Yohanes eam nguan tandahelan-tandahelan, tahpi paring ijo tonuhtuioh tohou ulun tuh morong.’’

YOHANES 3:30

Iorih ijo harus mahi-mahi boguna, tutang ahku mahi-mahi sasaream boguna.’’

YOHANES 5:35

Yohanes rih sama umba sumbu ijo honjala tutang ngorolondang koloangoh. Bagi pondehan ohkot ihkam sanang norimaoh koboloang rih.

YOHANES 7:39

Yesus ngohawot auh rih tohou Roh Pohotala ijo tonorima bain ulun-ulun ijo porocaya umba Io. Kotului ang ohkot orih Roh Pohotala jaham tononga; tului Yesus jaham konohajo honong popahtoi-Oh.)

1 KORINTUS 15:9

Ahku anairih rasul Tuhan ijo paling randah. Ahku eam pahtut konohawot rasul, tului ahku jari nyiksa ukup ain Pohotala.

1 KORINTUS 6:4

Mahka amat lombut karon-porokara kolou orih, inon ihkam ngaduoh ahkan ulun-ulun ijo eam anai ponuotoh samasino ang ukup?

EPESUS 2:3

Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

2 TIMOTEUS 1:10

Tutang huntuh Pohotala ngorinah pononganasi-Oh rih ahkan ihto, umba polombut Lahca Ponyolamat ihto Kristus Yesus. Yesus ijo mongalah kowasan popahtoi tutang ngomin pombolum ijo abadi nguha Kabar Hinut rih.

IBRANI 11:40

kotului Pohotala anai rancana ijo labih pios ahkan ihto. Rancana-Oh, iorih ijo tihkas hihco umba ihto, iro ahkan monjadi soporuna.

1 PETRUS 1:10

Kosolamatan tuhrih ijo tonolihti tutang tonyolidik bain dolang nabi, tutang iro nujum tohou borehkat ijo tononga Pohotala ahkan'mu.