MATEUS 10:6 - BOWOT BOHUA

⁶ Tahpi tulak nokuh ulun-ulun Israel, khususoh ahkan iro ijo lahcat.

MATEUS 10:6 ပူးပေါင်းရင်းမြစ်များ

MATEUS 18:10

“Awas! Ara ngonja'at ihcobehti tahkan ulun-ulun ijo koik tuh. Tului ingat rih molehkat-molehkat'ndo toturus anai ang baun Amai-Ku ang soruga. [

MATEUS 18:11

Tului Anak Ulun lombut ahkan monyolamat ulun ijo lacat!]

LUKAS 24:47

Ka'a ijo ngosan aran Lahca Ponyolamat rih koharusoh tomborihta ahkan uhtus-uhtus, ijo ulun harus hubah, tutang ijo Pohotala ngapun dusa-dusa. Tutang borihta rih harus tomborihta nopara tahkan Yerusalem.

KESAH RASUL-RASUL 13:46

Tahpi hawui labih bohanyi Paulus doro Barnabas pander torus-tarang. Iro nuhtui, ‘‘Auh Pohotala puna harus tonyapai ahkan ihkam houn. Tahpi tului ihkam eam kani norimaoh, ihkam jari nuhkasoh bongom, ijo ihkam eam pahtut norima pombolum sojahti tutang kototahiu. Tutang huntuh ihkai nohtah ihkam, tutang tulak nokuh uhtus bohkon.

KESAH RASUL-RASUL 18:6

Tahpi tului ulun-ulun rih toturus ih ngolawan tutang nosalan auhoh, mahka Paulus hobirik korawu tahkan hahtiuoh kolou kahta ahkan ngingat iro umba kosalan'ndo. Paulus nuhtui, ‘‘Amat ihkam colahka, kosalan'kam bongom! Ahku borasih tahkan ang orih! Nopara uhuntuh ahku ahkan tulak nokuh ulun-ulun bohkon Yahudi.’’

KESAH RASUL-RASUL 26:20

Honong torus-tarang ahku mborihta ahkan ulun-ulun ijo iro harus hubah tahkan dusa-dusan iro tutang nyarah aropoh ahkan Pohotala, honong ngorinah aang pombolum iro, ijo iro jari hubah tahkan dusa-dusan iro. Ahku mborihta hal orih, pahtukoh ang Damaskus, pongohino ang Yerusalem tutang ang sohopus Yudea tutang louk ulun ijo bohkon Yahudi.

KESAH RASUL-RASUL 3:26

Orih kotuluioh Pohotala ngopili Jihpoi-Oh turus nyuhu Io lombut nokuh ihkam paling houn, mangat Io mborehkat ihkam. Caraoh Io mborehkat ihkam, iorih, hawui nguan Konduang-konduang paring hubah tahkan cara pombolum ijo ja'at.’’

1 PETRUS 2:25

Lomoi ihkam kolou tobiri ijo lahcat, tahpi huntuh ihkam jari tongomin hoduli ahkan nutut Sokahtik tutang Pongindoi homboruan'mu.