MATEUS 10:22 - BOWOT BOHUA

²² Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

MATEUS 10:22 ပူးပေါင်းရင်းမြစ်များ

MATEUS 10:39

Ulun ijo podehen pombolumoh, ahkan nihou pombolumoh tahpi ulun ijo nihou pombolumoh, kotului tehen umba Ahku ahkan dahpot pombolumoh.”

MATEUS 24:13

Tahpi ulun ijo tehen johcok laiuoh, ahkan tonyolamat.

MATEUS 24:9

Pongohuli ihkam ahkan tonawan, tutang tonyarah ahkan tonyiksa, tutang tomunu. Hopus kolunon ahkan bosingi ihkam, tului ihkam murid-Ku.

MATEUS 5:11

Kosanangsolamat ahkan ihkam amat tonosalan, tonoporos tutang tongonja'at tului Ahku.

MARKUS 13:13

Ihkam ahkan ngohiri bain paring ulun, tului ihkam murid-Ku. Tahpi ulun ijo botahan nyiring ko-opah ahkan tonyolamat.’’

LUKAS 21:17

Ihkam ahkan tonyingi bain paring ulun, tului ihkam konohawot murid-Ku.

LUKAS 21:19

Amat ihkam tahan tutang sabar, ihkam ahkan solamat.’’

LUKAS 6:22

Kosanangoh ihkam, amat konohiri ulun, tonulak, tonohina tutang tonopitnah bain tului Anak Ulun!

LUKAS 8:15

Bonyi ijo tonuhkan ang tana ijo subur nindung ulun ijo ngonih Kabar Hinut rih, turus nginaoh luwang ahtoi ijo hinut tutang morong. Iro tahanngarot nyiring nihpun buaoh.’’

YOHANES 17:14

Ahku jari nyiaroh ahkan iro auh Amai, tutang kolunon bosingi umba iro, tului iro eam ain kolunon, sama kolou Ahku ka'a eam ain kolunon.

YOHANES 7:7

Kolunon tuh eam harapan nyingi ihkam. Tahpi Ahku puna tonyingi bain kolunon, kotului Ahku toturus ngorinah ahkan kolunon ijo konuaioh ja'at.

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

2 KORINTUS 4:11

Kotahin ihkai bolum, ihkai toturus tongipa bain pompohtoi tului Yesus, mangat umba kolourih pombolum Yesus ka tou korinah aang behtin ihkai ijo eambunggut tuh.

GALATIA 6:9

Kotului rih, ara ihto monjadi peda nguan hal-hal ijo pios; bain amat ihto eam tondo nguan hal-hal rih, sino jaha ihto ahkan ngohtom buaoh.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

IBRANI 6:11

Ihkai jolik sino, mangat ihkam nyinong-behti turus bosomangat johcok laiu, nyiring ihkam norima inon ijo ihkam moharap-harapoh rih.

YAKOBUS 1:12

Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

1 YOHANES 3:13

Bain orih, Konduang-konduang'ku, ara helan amat ulun-ulun kolunon tuh bosingi ihkam.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’

PONGORINAH 2:26

Iro ijo manang, tutang ijo johcok laiu, turus nguan inon ijo Ahku ngohondakrih, ahkan Ahku nonga kowasa ijo sama kolou Ahku norima tahkan Amai-Ku. Iro akhan norima kowasa tahkanumba Ahku, ahkan moretah uhtus-uhtus umba suhkah bosi, tutang ahkan molonyuh uhtus-uhtus rih kolou kobali tana.

PONGORINAH 2:3

Ihkam sabar, tutang ihkam ngarot tului Ahku, tutang ihkam eam puhtus asa.

PONGORINAH 2:7

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman bua tahkan bahtang pombolum ijo tumbu ang Pombulan Pohotala.’’

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.