MATEUS 10:20 - BOWOT BOHUA

²⁰ Tului inon ijo ahkan ponander'kam ang ohkot rih, bohkon ihkam, molekan Roh Amai ijo ang soruga, nguha ihkam.

MATEUS 10:20 ပူးပေါင်းရင်းမြစ်များ

MATEUS 6:32

Hal-hal orih turus konurah, bain ulun-ulun ijo eam kosono Pohotala. Podahar Amai'kam ijo ang soruga kota'an, ijo ihkam porulu paring orih.

MARKUS 12:36

Podahar Dawid bongoi – kotului tongorinah bain Roh Pohotala – nuhtui, ‘Tuhan homauh umba Tuhan'ku: tuot ihko ang silan kotouk-Ku nyiring Ahku nguan musuh-musuh-Mu ngominda umba Ihko.’

LUKAS 11:13

Oluka ihkam ja'at, ihkam ta'an ka'a nonga ijo pios ahkan anak'kam. Mahihino Amai'kam ijo ang soruga! Io ahkan nonga Roh-Oh ahkan iro ijo nyawot umba Io!’’

LUKAS 12:12

Tului inon ijo harus ihkam nuhtuioh rih ahkan tomara bain Roh Pohotala ahkan'kam ang ohkotoh.’’

LUKAS 21:15

Ahku bongok ahkan nonga bagi'mu auh-auh tutang kopiosbudi bosara orih, nyiring eam ihcobehti ka tahkan musuh-musuh'kam duon ngolawan ata'ai nulak inon ijo ihkam nuhtuioh.

KESAH RASUL-RASUL 13:9

Tahpi Saulus – ijo konohawot ka'a Paulus – konowasa bain Roh Pohotala, nyiring io nopahjah okon sihir rih,

KESAH RASUL-RASUL 2:4

Iro paring konowasa bain Roh Pohotala tutang nopara hopander a'ang hokobohkon basa. Iro pander numbun inon ijo tononga Roh rih ahkan iro mangat konohawotoh.

KESAH RASUL-RASUL 28:25

Honong tiruk ijo hokolawan, iro nohtah unuk rih, uliius Paulus nuhtui ijo pongo tuh, umba iro, ‘‘Puna kona samasino, inon ijo tonuhtui bain Roh Pohotala nguha Nabi Yesaya ahkan tahtu ajuh ihkam!

KESAH RASUL-RASUL 4:8

Petrus, ijo tokowasa Roh Pohotala, mutah, ‘‘Tuan-tuan okon uhtus Israel tutang Tuan-tuan okon Majelis Agama!

KESAH RASUL-RASUL 6:10

Tahpi iro eam duon monjawab, inon ijo konohawot bain Stepanus, kotului Roh Pohotala nonga ahkai kopiosbosara ahkan nuhtui kodorih.

2 KORINTUS 13:3

Mahka ihkam ahkan nyombang paring bukti ijo ihkam jorikoh ijo Kristus moro-morong bopander nguha ahku. Amat Kristus botindak toharep ihkam, Io eam botindak bolomu-lembai, sobalikoh Io ngorinah kowasai-Oh ang louk ihkam.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

2 PETRUS 1:21

Tului eam pu'u, pohtoh tahkan Pohotala tomborihta tihkas numbun konohuang ulun. Tahpi Roh Pohotala mongowasa ulun rih, ahkan monyiar pohtoh tahkan Pohotala bongoi.