MATEUS 10:16 - BOWOT BOHUA

¹⁶ “Nohtoanirih auh'ku tuh: Ahku nyuhu ihkam kolou tobiri, ijo eam aro borodaya, nokuh tohun-tohun horomaung bosiak. Ihkam harus borondong kolou lohi, tutang morong ahtoi kolou bulung dala.

MATEUS 10:16 ပူးပေါင်းရင်းမြစ်များ

MATEUS 24:25

Jadi ingat rih! Ahku jari nyiar ahkan'kam labih soun, houn umba ang rih nyolung.

MATEUS 24:45

Hion Yesus hino, “Amat kolourih pohalu ijo umoh rih ijo bokehtep tutang piosbosaraoh? Io rih ijo tongopili bain tuanoh monjadi okon pohalu-pohalu bohkon, mangatoh nonga iro ukun ang ohkotoh.

MATEUS 25:2

Limo behti tahkan iro rih uong tutang limo behti ijo bokonoh pihtar.

MATEUS 25:4

Kolimo anakdara ijo pihtar ngomin sumbuoh homboh umba minyak bohahtiu.

MATEUS 25:9

‘Eam tou!’ hion anakdara-anakdara ijo piosbosara rih, ‘bain noin ihto paringoh eam aro cukup minyak. Tulak molioh ang toko.’

LUKAS 10:3

Olai, tulak ih! Ahku nyuhu ihkam kolou tobiri nokuh marak horomaung.

LUKAS 21:15

Ahku bongok ahkan nonga bagi'mu auh-auh tutang kopiosbudi bosara orih, nyiring eam ihcobehti ka tahkan musuh-musuh'kam duon ngolawan ata'ai nulak inon ijo ihkam nuhtuioh.

KESAH RASUL-RASUL 20:29

Soponulakoh ahku, musti ahkan lombut kokaro harimaung ijo bosiak nokuh tohun ihkam. Tutang ulun-ulun ijo ihkam monjaga rih ahkan ukun harimaung-harimaung rih.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

2 KORINTUS 11:14

Eam helan iro nguan kodorih, tului Sehtan bongoi ka nyoruwa kolou molehkat koloang!

2 KORINTUS 11:3

Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

2 KORINTUS 8:20

Ihkai paham ati-ati, mangat ara anai ulun ijo monosalan ihkai, a'ang hal ngihtot pononga ijo hajo tuh.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

KOLOSE 4:5

Ang luwang kohihco ihkam umba ulun-ulun ijo eam porocaya, hondakrih ihkam bolum pihtar tutang nguna nyinong kosapetan umba sopios-piosoh.

1 TESALONIKA 2:10

Ihkai bolum honong borasih, morong tutang eam anai cela toharep ihkam, ijo jari porocaya ahkan Kristus. Ihkam holeam saksin-saksin ihkai, kodorih ka'a Pohotala.

1 TESALONIKA 5:22

Ngomahcurih, iou tahkan kokaro mahcam gawi ja'at.