MATEUS 10:15 - BOWOT BOHUA

¹⁵ Ingatrih! Ang Ondou Kiamat, ulun-ulun ang lowu Sodom tutang Gomora ahkan labih jeleng tongahpun bain Pohotala tahkan ulun-ulun ang lowu orih!”

MATEUS 10:15 ပူးပေါင်းရင်းမြစ်များ

MATEUS 12:36

Jadi, ingatrih: ang Ondou Kiamat nyinong ulun harus nanggung-jawab, ngosan nyinong auhoh ijo konohawot, ijo eam boguna.

MATEUS 5:18

Ingat! Kotahin langit tutang tana magun anai, ihco hurup ata'ai tihtik ijo pongokoik ka, ang luwang turat rih, eam ahkan tongudap, amat paringoh jaha nyolung!

MATEUS 7:22

Ang Ondou Kiamat aro ulun ahkan nuhtui umba Ahku, ‘Tuhan, Tuhan, eam umba aran-Mu ihkai jari mborihta pohtoh Pohotala? Tutang eamrih umba aran Tuhan ka'a ihkai jari muhko roh-roh ja'at hawui nguan aro tandahelan?’

MARKUS 6:11

Tahpi amat ihkam johcok ang ihco unuk, tutang ulun-ulun ang anan eam kani norima tutang ngonih auh'kam, nohtahrih unuk rih. Tutang nohka awun tana tahkan tapa pa'an'kam kolou pongingat toharep iro!’’

YOHANES 12:48

Ulun ijo nulak Ahku tutang eam ngonih auh-Ku, jari anairih ijo mosaraoh. Auh ijo Ahku nyiaroh, orihrih ijo ahkan mosaraoh ang Ondou Kiamat.

YOHANES 6:39

Tutang tuh rih konohuang Aiu ijo nyuhu Ahku: mangat tahkan paring ulun ijo tononga ahkak-Ku, eam 'cobehti ka nihou; tahpi mangat Ahku ngombolum iro ang Ondou Kiamat.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

KESAH RASUL-RASUL 17:31

Tului Io jari nuhkasoh sino ohkotoh mosara hopus kolunon tuh honong koadiloh. Gawi rih ahkan tonguan bain ihcobehti ijo jari ngopili Pohotala ahkan orih. Tutang ahkan paring ulun jahkin ahkan hal rih. Pohotala jari mombolumoh hoduli ulun rih tahkan popahtoi!’’

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

1 TESALONIKA 5:4

Tahpi ihkam eamoh ulun ijo bolum ang luwang kopindong, nyiring ondou orih nokonyat ihkam, kolou polombut ponyilou.

IBRANI 10:25

Hondakrih ihto tohtap hopuhpung hombo-homboh, tutang ara langak kolou ulun bohkon. Ihto justru harus labih te'et, saling komba'as, bain ihto ta'an ijo eam tahi hino Tuhan ahkan lombut.

2 PETRUS 2:6

Sama ka'a haloh umba lowu Sodom tutang Gomora; Pohotala polumusoh lowu-lowu rih umba baho, mangat monjadi sutu, tohou inon ijo ahkan nyolung, ahkan ulun-ulun ijo ja'at.

2 PETRUS 2:9

Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

1 YOHANES 4:17

Kasih monjadi soporuna luwang arop ihto, mangat ihto tepun kohanyi ang Ondou Ponosara. Ihto ahkan tepun kohanyi, tului pombolum ihto ang kolunon tuh, sama kolou pombolum Kristus.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

YUDAS 1:7

Ingatrih ka'a, lowu Sodom tutang Gomora, hawui lowu-lowu ang hokodiling, ijo rayatoh nguan hal-hal kolou ijo tonguan bain molehkat-molehkat orih. Iro nguan hal-hal ijo kihal tutang bejad, nyiring iro tonosiksa umba hukuman baho ijo kototahiu, ahkan monjadi pongingat bagi paring ulun.