MATEUS 1:21 - BOWOT BOHUA

²¹ Maria ahkan nganak ihcobehti anak bahkas. Anak orih pahtut ihko napa arai Yesus, tului Io ahkan nyolamat ulun-ukup-Oh tahkan dusan'ndo.”

MATEUS 1:21 ပူးပေါင်းရင်းမြစ်များ

MATEUS 1:25

Tahpi kotahin Maria jaha nganak anakoh rih, Yusep eam hihco umba Maria. Tutang uli anakoh rih konanak Yusep napa araioh Yesus.

LUKAS 1:13

Tahpi molehkat rih nuhtui, ‘‘Ara mihkoh Sakharia! Pohotala jari ngonih do'a'mu. Oruh'mu Elisabet ahkan nganak ihcobehti anak bahkas. Ihko harus nonga araioh Yohanes ahkaioh.

LUKAS 1:31

Ihko ahkan botohi, tutang nganak ihcobehti anak, ijo harus ihko nonga araioh Yesus.

LUKAS 2:11

Ondou tuh ang lowun Dawid jari konanak Lahca Ponyolamat'mu iorih Kristus, Tuhan.

LUKAS 2:21

Uli umur jalu ondou, Anak rih tonyunat. Tutang iro ngohawot arai-Oh Yesus, aran ijo tononga molehkat ahkai-Oh hounumba Io tonohi inai-Oh.

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 4:42

Iro nuhtui umba ulunbawi rih, ‘‘Ihkai porocaya uhuntuh, eam kotului inon ijo ihko nuhtuioh ahkan'kai, tahpi kotului ihkai bongon jari ngonih Io, tutang kota'an ijo Io puna Ponyolamat kolunon.’’

KESAH RASUL-RASUL 13:23

Tahkan uhtus Dawid orih Pohotala nahtap ahkan uhtus Israel ihcobehti Lahca Ponyolamat, kolou ijo jari tonobowot-Oh. Tutang Yesus rih Lahca Ponyolamat orih.

KESAH RASUL-RASUL 3:26

Orih kotuluioh Pohotala ngopili Jihpoi-Oh turus nyuhu Io lombut nokuh ihkam paling houn, mangat Io mborehkat ihkam. Caraoh Io mborehkat ihkam, iorih, hawui nguan Konduang-konduang paring hubah tahkan cara pombolum ijo ja'at.’’

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

KESAH RASUL-RASUL 5:31

Tutang Pohotala jari nonga ahkai-Oh ponuot tutang kowasa ijo isung monjadi Okon tutang Ponyolamat; mangat uhtus Israel tononga kosapet ahkan hubah tahkan dusa-dusaoh, tutang ngonduon pongapunan.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.

1 YOHANES 3:5

Ihkam ta'an, ijo Kristus lombut ahkan muhi dusa-dusan kolunon, tutang ijo eam aro dusa aang arop-Oh.

PONGORINAH 7:14

‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.