MATEUS 1:20 - BOWOT BOHUA

²⁰ Pondehan Yusep ngihtu-ngihtung aang orih, io nuhpi. Ang nuhpiuoh rih, io nohto ihcobehti molehkat Tuhan ijo homauh umba io, “Yusep uhtus Dawid a'ai mihkoh kawin umba Maria; tului anak ijo aang kotohiu orihrih nyolung bain kowasan Roh Pohotala.

MATEUS 1:20 ပူးပေါင်းရင်းမြစ်များ

MATEUS 1:18

Koloutuh sorihta, tohou nganak Yesus Kristus. Inai-Oh iorih Maria kisok-ain Yusep. Tahpi hounumba iro kawin, korinah Maria ius botohi. Yusep eam kota'an ijo Maria botohi, tului kobasan Roh Pohotala.

MATEUS 2:12

Pohotala ningak iro ang nuhpin'ndo mangat a'ai huli nokuh Horodes. Nyolung iro buli nguha jalan bohkon.

MATEUS 2:13

Uli lihkut ahli-ahli potion rih tulak, molehkat Tuhan ngorinah aropoh ahkan Yusep ang nuhpiouoh. Molehkat rih nuhtui, “Horodes nohuang ngurah Anak rih, ahkan munu Io. Tului orih monyunlah, ngomin Anak rih tutang inai-Oh pindah nokuh Misir. Mohcon ang anan, nyiring Ahku mander hino ahkan'mu.”

MATEUS 2:19

Uli Horodes mahtoi, kotihka Yusep ang Misir ihcobehti molehkat Tuhan ngorinah aropoh hino ahkan Yusep ang nuhpiu.

MATEUS 2:22

Tahpi uliorih Yusep ngonih, ijo Arkelaus, anak Horodes jari ngati amaioh monjadi Lahca tana Yudea. Jadi Yusep mihkoh tulak nokuh anan. Uli io dahpot pohtoh Tuhan hototurus a'ang nuhpiuoh, io tulak nokuh tana Galilea.

MATEUS 27:19

Ang kotihka Pilatus rahat tuot ang balai bosara, oruhoh ngirim pohtoh tuh ahkaioh, “Ara ihko umba-umba porokara ulun ijo eam bosala rih, bain tului Io, ahku duon nuhpi ijo ja'at tu'u ondou tuh.”

MATEUS 28:5

Molehkat rih nuhtui umba ulun-ulun bawi orih, “Ara mihkoh! Ahku ta'an ihkam ngurah Yesus ijo jari tomahpakoh rih.

LUKAS 1:19

Molehkat rih mutah, ‘‘Ahku tuh Gabriel. Ahku pohalu Pohotala tutang Iorih ijo nyuhu ahku nyapaioh kabar hinut tuh ahkan'mu.

LUKAS 2:4

Yusep ka tulak tahkan Nasaret ang Galilea, nokuh Betlehem ang Yudea, unuk Lahca Dawid konanak; tului Yusep lihit Dawid.

KESAH RASUL-RASUL 5:19

Tahpi ngolomi, ihcobehti molehkat Tuhan nguap bauntukang-bauntukang sipir turus ngomin rasul-rasul soluka. Molehkat orih nuhtui umba rasul-rasul rih,

PONGORINAH 19:7

Olairih ihto jori-jorih tutang sanang; olairih ihto momuji kohajoi-Oh! Kotului jari johcok ondou pongawin ijo nambit galar Anak Tobiri rih, tutang pongahten-Oh jari tahtap molalus pongawin-Oh.