MARKUS 2:2 - BOWOT BOHUA

² Turus aro ulun lombut. Iro hokorumbung ang anan nyiring eam anai hino unuk. Ang bauntukang ka tuwi umba ulun. Turus Yesus nyiar borihta tahkan Pohotala ahkan iro.

MARKUS 2:2 ပူးပေါင်းရင်းမြစ်များ

MATEUS 5:2

turus Io nopara majar iro:

MARKUS 1:14

Uliorih Yohanes ponosolong ang sipir, Yesus tulak nokuh Galilea, tutang nyiar Kabar Hinut tahkan Pohotala ang anan.

MARKUS 1:33

Paring ulun-ulun lowu rih, ngorumbung ang boun lohpou rih.

MARKUS 1:37

Tutang ulimba iro nyombang Io, iro nuhtui, ‘‘Paring ulun rahat tuh ngurah Amai.’’

MARKUS 1:45

Tahpi ulun rih tulak, tutang hototurus monyiar ijo monjadi orih, koumo-umoh nyiring Yesus eam duon nyolong lowu honong tarang-tarangan. Io tihkas mohcon ang ruar lowu ang unuk-unuk benyem. Olukakolourih ulun hototurus iou lombut nokuh Io tahkan umo-umoh ka'a.

MARKUS 2:1

Pira-pira ondou pongohuli Yesus tulak buli nokuh Kapernaum. Mahka tosiar borihta ijo Io rahat ang lohpou.

MARKUS 2:13

Yesus buli hino nokuh saran Danou Galilea. Aro ulun lombut nokuh Io, tutang Io majar'ndo.

MARKUS 6:34

Kotihka Yesus jahkat tahkan alut, Io nohto ulun aro. Io masi umba iro, tului iro kolou tobiri ijo eam aro ulun nyokahtikoh. Mahka Io ka'a nopara majar aro hal ahkan iro.

LUKAS 12:1

Bokuhjan-kuhjan ulun-ulun ngorumbung Yesus nyiring anai ijo nihcak-ngihik pa'an injahoh. Pondehan ulun-ulun rih hokorumbung, Yesus nuhtui umba murid-murid-Oh, ‘‘Bua-buah toharep ragin ulun Parisi, maksud-Ku kopura-pura'ndo.

LUKAS 5:17

Aang sino ondou kotihka Yesus mongajar, anai pira-pira ulun Parisi tutang guru-guru agama tuot ang anan. Iro lombut tahkan Yerusalem tutang tahkan lowu-lowu ang Galilea tutang Yudea. Kuwasa Tuhan anai ang Yesus unuk ngopios ulun-ulun poros.

LUKAS 8:1

Eam tahi pongohuli, Yesus tulak nokuh lowu-lowu tutang kapung-kapung, mangat mborihtaoh Kabar Hinut, ijo Pohotala nopara moretah kolou Lahca. Duo balas murid-Oh homboh umba Io.

LUKAS 8:11

‘‘Tuhrih rimai porobasa rih: Bonyi rih iorih auh Pohotala.

KESAH RASUL-RASUL 11:19

Uliius Stepanus tomunu, ulun-ulun ijo porocaya umba Yesus nopara tohoduru-duru, nyiring iro rawu-riai nokuh umo-umoh. Anai ijo nokoru dahpot nokuh Penisia, tutang anai hino ijo johcok Siprus tutang Antiokhia. Iro mborihta kabar tahkan Pohotala tihkas ahkan ulun-ulun Yahudi iu.

KESAH RASUL-RASUL 14:25

Tutang uliorih iro mborihtaoh auh Pohotala ang Perga, iro tulak nokuh Atalia.

KESAH RASUL-RASUL 16:6

Roh Pohotala, eam mongijin Paulus doro Silas mborihta auh Pohotala ang Propinsi Asia. Jadi ponyalan iro turus nokuh tana Pirigia tutang Galatia.

KESAH RASUL-RASUL 8:25

Uli Petrus tutang Yohanes nonga kosaksian tutang mborihta auh Tuhan, Petrus doro Yohanes buli nokuh Yerusalem. Tutang aang ponjolanan iro mborihta Kabar Hinut rih ang aro lowu-lowu Samaria.

RUMA 10:8

Konohuangoh anairih koloutuh, ‘‘Kabar tahkan Pohotala rih doni samasino aang ihko; aang nyaman'kam tutang a'ang ahtoi'mu.’’ Orih rih borihta ijo ihkai mborihtaoh; borihta ijo ulun harus porocaya.

2 TIMOTEUS 4:2

Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.