LUKAS 9:20 - BOWOT BOHUA

²⁰ ‘‘Tahpi numbun ihkam bongom, Ahku tuh iai?’’ hion Yesus. Petrus turus mutah, ‘‘Amai anai Lahca Ponyolamat ijo nobowot Pohotala.’’

LUKAS 9:20 ပူးပေါင်းရင်းမြစ်များ

MATEUS 22:42

“Koloukuwoh tiruk'kam tohou Lahca Ponyolamat? Uhtus iai Io?” “Uhtus Dawid,” hion'ndo.

MATEUS 26:63

Tahpi Yesus tonih ih. Sino hino imam hajo ngisok umba Io, “Honong Pohotala ijo bolum, nuhtuirih ahkan 'kai. Inon Ihko Lahca Ponyolamat Anak Pohotala?”

MATEUS 5:47

Tutang amat ihkam nonga tabe tihkas ahkan injah-jolahan'kam ih, inon kolowiuoh? Ulun-ulun ijo eam ngosono Pohotala ka nguan kodorih!

MARKUS 14:61

Tahpi Yesus tonih ih. Io eam mutah samasino. Turus Imam Hajo rih ngisok sino hino umba Yesus, ‘‘Inon Ihko Lahca Ponyolamat, Anak Pohotala Ijo Borasih?’’

MARKUS 8:29

‘‘Tahpi numbun ihkam bongom, Ahku tuh, iai?’’ hion Yesus. Petrus mutah, ‘‘Amai anairih tuh Lahca Ponyolamat!’’

LUKAS 22:67

‘‘Nyorihtaoh ahkan ihkai,’’ hion iro umba Yesus, ‘‘inonrih Ihko tuh Lahca Ponyolamat?’’ Yesus mutah, ‘‘Amat Ahku nyorihta ahkan'kam, ihkam tuh eam ahkan porocaya.

LUKAS 9:19

Iro mutah, ‘‘Anai ijo nuhtui Yohanes Popondus. Anai ka'a ijo nuhtui Elia, ijo bohkon hino nuhtui tahkan ihcobehti nabi jaman lomoi ijo jari bolum huli.’’

YOHANES 1:41

Jio-jion Andreas ngurah Simon, konduangoh, tutang nuhtui umba io, ‘‘Ihkai jari hosombang umba Mesias!’’ (Mesias sama umba Kristus, iorih: Lahca Ponyolamat.)

YOHANES 1:49

‘‘Amai Guru,’’ hion Natanael, ‘‘Amai anairih Anak Pohotala! Amai rih Lahca uhtus Israel!’’

YOHANES 11:27

‘‘Tuhan,’’ hion Marta, ‘‘ahku porocaya Tuhan Anak Pohotala, Lahca Ponyolamat ijo ahkan lombut nokuh kolunon tuh.’’

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 4:29

‘‘Olai nohto ulun ijo monyorihta ahkak'ku kokaron aang'co ijo pu'u ahku nguai. Toumorongrih Io rih Lahca Ponyolamat?’’

YOHANES 4:42

Iro nuhtui umba ulunbawi rih, ‘‘Ihkai porocaya uhuntuh, eam kotului inon ijo ihko nuhtuioh ahkan'kai, tahpi kotului ihkai bongon jari ngonih Io, tutang kota'an ijo Io puna Ponyolamat kolunon.’’

YOHANES 7:41

Ijo bohkon nuhtui, ‘‘Tuhrih Lahca Ponyolamat!’’ Tahpi anai ka'a ijo nuhtui, ‘‘Ho, mira tou Lahca Ponyolamat lombut tahkan Galilea?

KESAH RASUL-RASUL 17:3

Hogalang ayat-ayat Surat Borasih, io monarang tutang pokarah ijo Lahca Ponyolamat ijo tonobowot bain Pohotala puna mongarot nyiring mahtoi, tahpi Io bolum hoduli tahkan popahtoi. ‘‘Yesus ijo ahku mborihtaoh ahkan'kam rih, Io rih Lahca Ponyolamat ijo tonobowot,’’ hion Paulus.

KESAH RASUL-RASUL 8:36

Ang beteng jalan iro johcok ihco unuk ijo tohko danumoh. Pogawai isung rih nuhtui, ‘‘Topahjah orih anai danumoh! Inon hino ijo magun kurang ahkan mopondus ahku?’’ [

KESAH RASUL-RASUL 9:22

Tahpi Saulus sasar ba'as pongarohoh. Tanda-tanda ijo io nyorihtaoh tohou Yesus kodorih moyakinoh ijo Yesus rih Lahca Ponyolamat, nyiring ulun-ulun Yahudi ijo mohcon ang Damaskus eam duon samasino molawan.

1 YOHANES 5:1

Ulun ijo porocaya ijo Yesus anairih Lahca Ponyolamat ijo tonobowot Pohotala, ulun orih anairih Anak Pohotala. Ulun ijo mongasih ihcobehti amai, mongasih anakoh ka'a.