LUKAS 4:40 - BOWOT BOHUA

⁴⁰ Kotihka mahtanondou rahat bolop, paring ulun ngomin ahkan Yesus, konduang-konduangoh ijo poros mahca-mahcam ponyahkit. Yesus ngina longoi-Oh nokuh ngosan kuhung iro nyino-nyinong tutang ngopios iro paring.

LUKAS 4:40 ပူးပေါင်းရင်းမြစ်များ

MATEUS 11:5

Ulun bobulen tou nohto, ulun bolomu tou nyalan, ulun bobelang ijo ngoli pios; ulun borengen dahpot ngonih; ulun ijo mahtoi hoduli bolum; tutang Kabar Hinut tahkan Pohotala tonyiar ahkan ulun-ulun ijo porosbolum.

MATEUS 14:13

Kotihka Yesus ngonih tarung rih, Io jahkat alut bongoi tutang nohtah unuk orih, turus tulak nokuh ihco unuk ijo tonih. Tahpi kotihka ulun-ulun ngonih tohou hal orih, iro nohtah lowun-lowun'ndo tutang tulak ngohasu Yesus nyuru jalan tana.

MARKUS 3:10

Io ngopios kodorih aro ulun, nyiring paring ulun ijo poros hokosihki ngurah jalan ngondoni-Oh mangat duon ngendeh Io.

MARKUS 5:23

tutang nyawot honong paham, ‘‘Amai, anak bawi aik'ku poros paham. Kanirih kowa lombut ahkan nambitoh, mangat io pios tutang eam mahtoi!’’

MARKUS 6:5

Ang unuk rih Yesus eam kani nguan angihco kahtahelan ka'a, tihkas ngopios pira-pira ulun poros tutang ngina longoi-Oh ang ngosan iro.

KESAH RASUL-RASUL 19:12

Amat sopu tangan tutang benang pohtong kahangoh ijo pu'u hapan Paulus, omin ulun tahkan io turus nginaoh ang isun ulun-ulun poros, ponyahkit iro nihou, tutang roh sehtan ka soluka tahkan iro.

KESAH RASUL-RASUL 5:15

Sasar koada'ai monjadi kodorih kolou, nyiring ulun-ulun poros konina ang isun katir ata'ai kacang, turus ngitot nokuh jalan, ahkan iro paling isut tou kona kolingon Petrus, amat Petrus nyihing ang anai.