LUKAS 22:37 - BOWOT BOHUA

³⁷ Tului porocayarih, ayat Surat Borasih ijo auh koloutuh, ‘Io mongohu kolou 'cobehti ponyirou,’ harus nyolung ngosan arop-Ku. Tului inon ijo tonyurat a'ang Surat Borasih tohou Ahku uhun nyolung huntuh tuh.’’

LUKAS 22:37 ပူးပေါင်းရင်းမြစ်များ

MARKUS 15:27

Hombohumba Yesus iro mahpak duo behti ponyilou; ihcobehti ang sila koto'u tutang ihcobehti hino ang sila komuloi-Oh. [

MARKUS 15:28

Kotului kolourih nyolung auh surat ang Surat Borasih iorih: ‘‘Io tongohu iro monjadi barih ulun ja'at.’’]

LUKAS 18:31

Yesus muhpung koduo balas murid-Oh bongon'ndo, turus nuhtui, ‘‘Ngonihoh tuh! Ihto huntuh nitu Yerusalem. Ang anan, paring ijo sonurat nabi-nabi tohou Anak Ulun ahkan nyolung.

LUKAS 22:22

Anak Ulun puna ahkan mahtoi kolouumoh jari tongatuh bain Pohotala; tahpi colahka ulun ijo ngorana Ahku!’’

LUKAS 22:36

‘‘Tahpi huntuh,’’ hion Yesus, ‘‘iai ijo anaingina ehpok ata'ai kambut, pahtut ngomiuoh; tutang iai eam anaingina padang, harus monjual jubahoh mangat moli padang.

LUKAS 22:52

Pongohuli rih Yesus nuhtui umba imam-imam kopala tutang komandan-komandan pongawal Lohpou Tuhan tutang okon-okon Yahudi ijo lombut nokuh anan mangat nawan Yesus, ‘‘Inon Ahku tuh ponyilou, nyiring ihkam lombut hapan padang tutang tohtok kaju ahkan nawan Ahku?

LUKAS 23:32

Anai hino duo behti ulun bohkon – koduo-duooh ponyilou – ijo tonomin'ndo ahkan tomohukum mahtoi hombo-homboh umba Yesus.

LUKAS 24:27

Pongohino Yesus nyorihta ahkan iro inon ijo tonyurat ang luwang koparing Surat Borasih tohou arop-Oh, nopara tahkan buhku Museh tutang buhku nabi-nabi.

YOHANES 10:35

Ihto ta'an ijo inon ijo tonyurat ang luwang Surat Borasih ahkan nyolung turus-jahamoh. Jadi, amat Pohotala nonga kohawot ‘pohotala’ ahkan ulun-ulun ijo norima auh-Oh,

YOHANES 17:4

Ahku jari mopohajorih Amai ang ngosan tana tuh, hapan ngumbotoh konuak-Ku ijo Amai nyuhu ahkak-Ku.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’