LUKAS 22:20 - BOWOT BOHUA

²⁰ Kolourih ka'a uli kuman, Io nonga sakir anggur rih ahkan iro tutang nuhtui, ‘‘Sakir tuh anairih bowot Pohotala ijo bohua, ijo tonosah umba dahak-Ku – daha ijo tonusuh ahkan ihkam.’’]

LUKAS 22:20 ပူးပေါင်းရင်းမြစ်များ

MATEUS 26:28

Tului tuhrih daha-Ku ijo monsah bowot Pohotala – daha ijo tonusuh ahkan aro ulun ahkan pongapun dusan'ndo.

MARKUS 14:24

Ulimba Yesus nuhtui, ‘‘Tuhrih dahak-Ku ijo mondehen bowot Pohotala, daha ijo tonusuh'ku ahkan aro ulun.

1 KORINTUS 11:25

Kodorih hino ulimba opah kuman, Io ngomin sakir anggur hawui nuhtui, ‘‘Anggur tuh anairih, bowot Pohotala ijo bohua, tonosah umba dahak-Ku. Nyinong tikat ihkam ngorih tuh, nguanohrih tuh ahkan ngenang Ahku.’’

2 KORINTUS 3:6

Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

IBRANI 12:24

Ihkam lombut noharep Yesus, Poholat ahkan bowot ijo bohua rih; ihkam noharep daha ponalit, ijo monjamin hal-hal ijo labih hinut, tahkanumba ijo tojamin bain dahan Abel.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

IBRANI 9:17

Kotului surat warisan eam boguna, amat ulun ijo napaoh magun bolum. Surat rih boguna, tihkas limbah ulun rih mahtoi.