LUKAS 19:42 - BOWOT BOHUA

⁴² Hion Yesus, ‘‘Ngasi-ngasi, paham kopiosoh amat ondou tuh ihkam kota'an, inon ijo duon mopolombut kobuah! Tahpi huntuh ihko eam duon nohtooh.

LUKAS 19:42 ပူးပေါင်းရင်းမြစ်များ

LUKAS 19:41

Kotihka Yesus mahi nahpi lowu Yerusalem, tutang nohto lowu orih, Io nangihoh.

LUKAS 19:43

Ihko ahkan nginyam ihco wayah, ang amoh musuh'mu nguan pohalang-pohalang ang kodiling'kam; iro ahkan ngahpung ihko, tutang ngohapit'kam tahkan kokaro puting.

LUKAS 19:44

Iro ahkan molutek ihko hawui ulun-ulun punduduk'mu; tutang eam ihco bahtu ka ahkan iro mohonouoh mohcon hosusun ang unukoh, tului ihko eam nohtoani wayah kotihka Pohotala lombut ahkan nyolamat ihko!’’

KESAH RASUL-RASUL 10:36

Konduang-konduang jari kota'an usin borihta ijo Pohotala johcokoh ahkan uhtus Israel. Borihta orih, anairih Kabar Hinut tohou kobuah nguha Yesus Kristus, yorih Tuhan paring ulun.

KESAH RASUL-RASUL 13:46

Tahpi hawui labih bohanyi Paulus doro Barnabas pander torus-tarang. Iro nuhtui, ‘‘Auh Pohotala puna harus tonyapai ahkan ihkam houn. Tahpi tului ihkam eam kani norimaoh, ihkam jari nuhkasoh bongom, ijo ihkam eam pahtut norima pombolum sojahti tutang kototahiu. Tutang huntuh ihkai nohtah ihkam, tutang tulak nokuh uhtus bohkon.

IBRANI 3:13

Jadi, mangat eam anai ihcobehti ka tahkan louk'kam, ijo tonihpu bain dusa nyiring molawan Pohotala, hondakrih ihkam saling hotingak nyinong ondou, kotahin ihto magun bolum, ang jaman ijo konohawot ‘‘Ondou Tuh’’ a'ang Surat Borasih.

IBRANI 3:15

Jituhrih ijo tonyurat luwang Surat Borasih, ‘‘Amat aang ondou tuh ihkam ngonih auh Pohotala, ararih ihkam ngomahang kuhung, kolou tahtu ajuh'kam, ohkot iro mborontak toharep Pohotala.’’

IBRANI 3:7

Bain rih, kolou hion Roh Pohotala, ‘‘Amat aang ondou tuh ihkam ngonih auh Pohotala,