LUKAS 18:39 - BOWOT BOHUA

³⁹ Ulun-ulun ijo ang baun nyangit io, tutang nyuhu io tonih. Tahpi io ngoriak paham muhing hino, ‘‘Anak Dawid! Masilah ahku!’’

LUKAS 18:39 ပူးပေါင်းရင်းမြစ်များ

MATEUS 7:7

“Nyawot, mahka ihkam ahkan norima. Ngurah, mahka ihkam ahkan nyombang. Negah bauntukang, mahka bauntukang konuap bagi ihkam.

MATEUS 8:26

“Ombai ihkam mihkoh?” hion Yesus, “Ihkam kurang porocaya umba Ahku!” Uliorih Yesus kuat, tutang ningak sawung-bahiou tutang danou rih. Turus danou orih rih monjadi teneng tu'u.

MATEUS 9:27

Yesus tulak tahkan anan tutang ang beteng jalan anai duo behti bobulen ngahasu Io. Iro ngoriak, “Anak Dawid, masi ihkai!”

LUKAS 11:52

Colahka ihkam, guru-guru agama! Kuhci hapa nguap bauntukang pongotaan sonuhuk bain ihkam, tahpi ihkam bongom eam kani nyolong nokuh luwang mangat ngurah pongosono rih. Tobalikoh ihkam ngolapong lapong jalan ulun-ulun ijo kani nyolong ahkan luwangoh!’’

LUKAS 18:1

Uliorih Yesus monyorihta ihco porobasa ahkan majar murid-murid-Oh mangat'ndo hototurus bodo'a tutang a'ai putus asa.

LUKAS 18:15

Anai ulun-ulun ngomin anak-inyam koik nokuh Yesus mangat Io nambit tutang mborehkat iro. Kotihka murid-murid Yesus nohto orih, iro ngohana ulun-ulun rih.

LUKAS 18:38

Mahka ulun bobulen rih ngoriak, ‘‘Yesus, anak Dawid! Masilah ahku!’’

LUKAS 18:40

Yesus tondo tutang nyuhu ulun ngomin ulun bobulen rih nokuh Io. Ohkot io johcok, Yesus ngisok io,

LUKAS 19:39

Pira-pira ulun Parisi tahkan louk ulun aro rih nuhtui umba Yesus, ‘‘Amai Guru, nyuhu murid-murid Amai tonih.’’

LUKAS 8:49

Podehan Yesus magun hopander, ihcobehti ulun tonyuhu lombut tahkan lohpou Yairus. Io nuhtui umba Yairus, ‘‘Anak bawi tuan jari palus. Eam usah tuan ngombo'o Amai Guru hino.’’

2 KORINTUS 12:8

Tolu tikat ahku bodo'a ahkan Tuhan, mangat ponyahkit rih tongahtang tahkan ahku.