LUKAS 18:14 - BOWOT BOHUA

¹⁴ ‘‘Porocayarih,’’ hion Yesus, ‘‘aang ohkot buli nokuh lohpou ponagih pajak orih ijo tonorima Pohotala, tutang bohkon ulun Parisi rih. Tului nyinong ulun ijo ngondiang aropoh ahkan tongopinda; tutang nyinong ulun ijo ngopinda aropoh ahkan tonongahtang.’’

LUKAS 18:14 ပူးပေါင်းရင်းမြစ်များ

MATEUS 23:12

Ulun ijo ngondiang aropoh ahkan tongopinda, tutang ulun ijo ngominda aropoh ahkan tongahtang.”

MATEUS 5:3

“Kosanangsolamat ahkan ulun, ijo mokomo eam badaya tutang tihkas bohapang ang Tuhan ih; iro rih anai anak-ukup ain Pohotala!

LUKAS 1:52

Lahca-lahca posuluhoh tahkan ponuot tutang ulun hina tonongahtang-Oh.

LUKAS 10:29

Tahpi guru agama rih kani ngomorong aropoh. Io ngisok, “Iai hawui jolahak'ku rih?’’

LUKAS 14:11

Tului nyinong ulun ijo ngondiang aropoh ahkan tongopinda, tahpi ijo ngopinda aropoh ahkan tongondiang.’’

LUKAS 16:15

Tahpi Yesus nuhtui umba iro, ‘‘Ihkam tuh ulun ijo ang toharep ulun bohkon, topahjahoh morong, tahpi Pohotala kota'an usin ahtoi'mu. Tului inon ijo tongohu isung bain ulun, topahjahoh pinda bain Pohotala.

RUMA 3:20

Tului earo ihcobehti ka ahkantou hokopios umba Pohotala, bain tului ulun rih, nguan hal-hal ijo sombang aang hukum agama. Podahar hukum rih tihkas pokarah ahkan ulun, ijo ulun bodusa.

RUMA 4:5

Tahpi anai ulun ijo eam monggahtung aang gawiuoh bongoi io moporocayaoh aropoh ahkan Pohotala, ijo ngorinahoh ulun bodusa liwus tahkan kosalaioh. Hogalang koporocayaoh orih rih Pohotala norima ulun rih, monjadi ulun ijo ngojorih ahtoi Pohotala.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 8:33

Iairih ijo duon ngugat ihto ukup ihco konopili Pohotala, amat Pohotala bongoi ngorinah ijo ihto eam bosala?

GALATIA 2:16

Oluka kodorih ihkai ta'an, ijo ulun hokopios hoduli umba Pohotala, baya tului porocaya umba Yesus Kristus tutang eam tului molalus hadat agama. Ihkai bongon ka, porocaya umba Yesus Kristus, mangat ihkai hokopios umba Pohotala nguha koporocayan 'kai rih, eam kotului ihkai molalus hadat agama. Tului umba molalus hukum agama, eam ihcobehti ka duon hokopios hoduli umba Pohotala.

YAKOBUS 4:10

Hondakrih ihkam morandah arop ang toharep Tuhan, mahka Tuhan ahkan ngahtang ihkam.

YAKOBUS 4:6

Oluka kolourih, pononganasi Pohotala ijo tononga ahkan ihto labih ba'as, tahkanumba kojolik-kojolik roh ihto rih. Orihrih kotuluioh ang luwang Surat Borasih tonyurat ka'a, ‘‘Pohotala ngolawan ulun ijo bojuhu, tahpi sobalikoh, Io ngasih ulun ijo randah ahtoi.’’