LUKAS 16:28 - BOWOT BOHUA

²⁸ Anai limo konduang'ku ang anan. Nyuhu Lasarus mopingatoh iro, mangat ara nyiring iro ka ngonyahtu nokuh unuk nyiksa tuh.’

LUKAS 16:28 ပူးပေါင်းရင်းမြစ်များ

LUKAS 16:27

‘Amat kolourih, Amai,’ hion ulun tahtou rih, ‘ahku nyawot honong paham Amai nyuhu Lasarus nokuh lohpou amai'ku.

KESAH RASUL-RASUL 10:42

Tutang Io nyuhu ihkai mborihta Kabar Hinut rih ahkan ulun-ulun tutang nonga kosaksian, ijo Io rih jari konahtang bain Pohotala, monjadi hakim ulun-ulun ijo magun bolum, tutang ulun-ulun ijo jari mahtoi.

KESAH RASUL-RASUL 18:5

Uliorih Silas tutang Timoteus johcok tahkan Makedonia, Paulus mongguna koparing ohkotoh ahkan mborihta tahkan Pohotala ahkan ulun-ulun Yahudi, ijo Yesus orihrih Lahca Ponyolamat ijo tonobowot bain Pohotala.

KESAH RASUL-RASUL 2:40

Kodorih Petrus monarang kotbah ahkan iro. Tutang umba aro tuhtui ijo bohkon ka'a io nyuhuoh ahkan iro, mangat iro moliwus arop'ndo tahkan uhtus ijo ja'at tuh, ijo ahkan tonohukum bain Pohotala.

KESAH RASUL-RASUL 20:21

Pios umba ulun-ulun Yahudi oluka umba ulun-ulun uhtus bohkon, ahku toturus nonga pongingat mangat iro hubah tahkan dusa-dusan iro, tutang lombut nokuh Pohotala, hawui porocaya ahkan Tuhan Yesus.

KESAH RASUL-RASUL 20:23

Ahku tihkas ngota'an, ijo ang nyino-nyinong lowu, Roh Pohotala jari tarang monyorihta ahkak'ku, ijo ahku ahkan nyolong sipir tutang ahkan ngarot.

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 23:11

Ngolomi pongooh Tuhan Yesus tombok ang silan Paulus tutang nuhtui, ‘‘Ngoba'asoh ahtoi'mu! Ihko jari nonga kosaksian tohou Ahku ang Yerusalem. Ihko noin pahtut bosaksi ka'a ang Ruma.’’

KESAH RASUL-RASUL 26:22

Tahpi nyiring uhuntuh ahku tongolindung bain Pohotala, johcok ahku duon tombok ang ohtoi, ahkan nonga kosaksian aik'ku ahkan paring ulun – hajo ata'ai ka koik. Inon ijo ahku nuhtui tuh eam bohkon tahkan inon ijo jari tonujum bain nabi-nabi tutang Museh;

KESAH RASUL-RASUL 28:23

Mahka iro tutang Paulus monahtap ihco ondou ahkan hosombang. Aang ondou orih aro ulun lombut nokuh unuk Paulus. Tahkan ngohkos johcok sohit Paulus monyorihta tutang mborihtaoh ahkan'ndo tohou Kabar Hinut koloukuwoh Pohotala momorentah kolou Lahca. Hapan ayat-ayat tahkan Buhku Museh tutang Buhku Nabi-nabi, Paulus ngurah jalan nguan iro porocaya tohou Yesus.

KESAH RASUL-RASUL 8:25

Uli Petrus tutang Yohanes nonga kosaksian tutang mborihta auh Tuhan, Petrus doro Yohanes buli nokuh Yerusalem. Tutang aang ponjolanan iro mborihta Kabar Hinut rih ang aro lowu-lowu Samaria.

GALATIA 5:3

Sino hino ahku nonga pongingat ahkan ulun ijo nyawot tonyunat, ijo io puna wajib molalus paring hukum agama!

EPESUS 4:17

Kotului rih demi aran Tuhan, tuhrih ijo ahkan ahku nuhtui tutang tegas; ara hino bolum kolou ulun-ulun ijo eam kosono Pohotala, tutang niruk ijo eam-eam.

1 TESALONIKA 2:11

Ihkam ta'an, ijo ihkai mohaga ihkam nyino-nyinong, kolou ihcobehti Amai mohaga anak-anakoh.

1 TESALONIKA 4:6

A'ang hal kolouorih, a'ai ihcobehti ka nguan kosalan umba konduangoh ata'ai ka monihpuoh. Lomoi ihkai jari nonga tingak ijo paham ahkan'kam, ijo Tuhan ahkan mohukum ulun-ulun ijo nguan kosalan-kosalan kolouorih.