KOLOSE 4:8 - BOWOT BOHUA

⁸ Ahku nyuhu io nohkuh'kam honong alasan mangat ihkam kota'an koada'an ihkai ohtoi tutang ihkam sanang ahtoi.

KOLOSE 4:8 ပူးပေါင်းရင်းမြစ်များ

1 KORINTUS 4:17

Ahkan orihrih ahku jari nyuhu Timoteus masap ihkam. Monjadi murid Kristus, io sama kolou anak'ku bongok ijo ahku ngasioh. Io anak'ku ijo duon tomorocaya. Noin io ahkan mopingat ihkam, tohou cara bolum ijo ahku nihtoioh, ulijari porocaya umba Kristus, iorih cara bolum ijo ahku majaroh ang nyinong ukup, ang umoh ka'a.

2 KORINTUS 1:4

Io ngoba'as homboruan ihkai ang nyinong kosusah ijo ihkai nyuruoh, mangat hapa koba'as rih ijo ihkai norimaoh tahkan Pohotala, ihkai ka dahpot ngoba'as homboruan paring ulun ijo a'ang kosusahan.

2 KORINTUS 12:18

Ahku jari nyuhu Titus tulak masap ihkam, tutang ahku nyuhu konduang Kristen ijo bohkon rih, tulak homboh umba io. Kuwoh Titus ngomin utung tahkan ihkam? Tahpi ihkai boduo bogawi umba titun ijo sama, tutang monggawioh umba cara-cara ijo sama!

2 KORINTUS 2:7

Uhuntuh ihkam harus mapun io tutang nonga juhung hino ahkaioh, mangat io a'ai dalou poros ahtoi nyiring puhtus asa.

EPESUS 6:22

Orihrih kotuluioh ahku nyuhu io nakuh ihkam, ahkan nyorihta koada'an ihkai, ahkan'kam paringoh, mangat mopohajo ahtoi'kam.

PILIPI 2:28

Orih kotuluioh, mahi hajo ka'a kojolik'ku ahkan nyuhu io buli nokuh'kam, mangat ihkam jorih hino amat ihkam hosombang umba io, tutang ahtoi'ku ka monjadi teneng.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

1 TESALONIKA 2:11

Ihkam ta'an, ijo ihkai mohaga ihkam nyino-nyinong, kolou ihcobehti Amai mohaga anak-anakoh.

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

1 TESALONIKA 3:5

Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.

1 TESALONIKA 4:18

Tului rih, hondakrih ihkam saling ngomba'as ahtoi honong hapan tuhtui-tuhtui tuh.

1 TESALONIKA 5:11

Tului orih, kohondakoh ihkam botahtap, saling hojuhung saling hokomba'as, sama kolou ijo ihkam rahat nguai huntuh.

1 TESALONIKA 5:14

Ihkai nyawot ka'a. Konduang-konduang, ningakrih iou hawui kopios umba ulun ijo eam kani bogawi, tabahrih ahtoi ulun ijo pomihkoh, dohoprih ulun ijo porulu tondohop, tutang sabarrih toharep paring ulun.