KOLOSE 4:5 - BOWOT BOHUA

⁵ Ang luwang kohihco ihkam umba ulun-ulun ijo eam porocaya, hondakrih ihkam bolum pihtar tutang nguna nyinong kosapetan umba sopios-piosoh.

KOLOSE 4:5 ပူးပေါင်းရင်းမြစ်များ

MATEUS 10:16

“Nohtoanirih auh'ku tuh: Ahku nyuhu ihkam kolou tobiri, ijo eam aro borodaya, nokuh tohun-tohun horomaung bosiak. Ihkam harus borondong kolou lohi, tutang morong ahtoi kolou bulung dala.

MARKUS 4:11

Mahka Yesus nuhtui umba iro, ‘‘Ihkam jari tononga pononga, mangat ngota'an dolang bokulim tohou koloukuwoh Pohotala moretah. Tahpi ulun-ulun ijo luar, tonongajar umba porobasa,

RUMA 16:19

Paring ulun jari ngota'an ijo ihkam bokehtep ahkan ajaran tohou Kabar Hinut ijo tahkan Pohotala. Tutang ahku sanang ngosan hal orih tohou ihkam. Ahku jolik mangat ihkam solembang tohou hal-hal ijo pios; tutang uong tohou hal-hal ijo ja'at.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

1 TESALONIKA 4:12

Amat ihkam bolum kodorih, ihkam eam bohambin umba ia-iai ka'a, tutang ulun-ulun eam porocaya umba Kristus, ahkan mohoromat ihkam.

1 TIMOTEUS 3:7

Io harusrih ulun ijo anai aran pios a'ang ulunaro, bain amat eam kodorih, mahka io ahkan tonohina ulun, nyiring ngonyahtu nokuh pinda sokohtung Sehtan.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 3:13

Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

1 PETRUS 3:1

Kolourih ka'a ihkam, oruh-oruh, pahtut minda auh bosai, mangat amat ang tohun ihkam anai, ijo eam porocaya ahkan borihta tahkan Pohotala, hadat dasar'mu duon nguan iro monjadi porocaya. Tutang eam porulu ihkam nuhtui ino-inon ahkan iro,