KOLOSE 4:12 - BOWOT BOHUA

¹² Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

KOLOSE 4:12 ပူးပေါင်းရင်းမြစ်များ

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

LUKAS 1:1

Teofilus ijo randah ahtoi, Aro ulun jari bousaha nyurat tutang monyusun tohou karon-kojodianrih ijo jari nyolung ang tohun ihto.

LUKAS 22:44

Yesus karas ngarot cara mboruai, nyiring Io mahi tu'u-tu'u bodo'a. Horas-Oh kolou daha mohceu nokuh tana.]

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

RUMA 15:14

Konduang-konduang! Ahku yahkin ijo anai aro samasino hal ijo pios aang ihko. Ihkam ka ngota'an kokaron paringoh tutang duon majar ihco umba ijobohkon ka'a.

RUMA 15:30

Aangaran Tuhan ihto Yesus Kristus, tutang aang asiu ijo tononga bain Roh Pohotala, ahku nyawot honong paham umba ihkam. Keleh ihkam umba bodo'a tu'u-tu'u, hombo-homboh ahku ahkan Pohotala, ahkak'ku.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

1 KORINTUS 2:6

Oluka kodorih ang louk ulun-ulun ijo pombolum rohanioh jari botuo, ahku puna pander tohou kopihtar. Tahpi kopihtar tuh bohkon kopihtaran kolunon, ata'ai kopihtaran dolang pongowasaoh jaman tuh, ijo kowasaioh ahkan dilap.

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

GALATIA 1:10

Inonrih umba orih topahjah ahku koloujahka moharap tongahku bain kolunon? Samasino eam! Ahku baya moharaprih pongahkuan tahkan Pohotala. Inonkah ahku rahat bousaha ngomin ahtoi ulun, mangat tongojorih ulun? Amat ahku magun nguan kodorih, ahku eam jihpon Kristus.

GALATIA 4:19

Anak-anak'ku ijo tonokasih! Ahku uhuntuh ngarot hino tului ihkam. Ahku ngarot, kolou ihcobehti inai ngarot ang ohkot nganak anakoh. Ahku ahkan hototurus ngarot, amat sipat-sipat Kristus jaha totanom ang arop'mu!

KOLOSE 1:22

Tahpi huntuh, umba popahtoi Anak-Oh, Pohotala napa sambung ihkam umba Io, monjadi pios hoduli. Umba cara orih ihkam dahpot tonomin noharep Pohotala a'ang koada'an borasih, molinyou tutang earo salai.

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 1:29

Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

KOLOSE 1:7

Hal orih tonyapai ahkan Konduang bain Epafras, jolahan ijo ihkai ngasihoh. Io anairih ponggawi Kristus ijo te'et bogawi ahkan kogunan ihto.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

KOLOSE 4:9

Onesimus ahkan tulak hombo-homboh umba Tikhikus: io ihcobehti tahkan barih ihkam. Io ulun ijo te'et tutang ihkai sita io. Io tutang Tikhikus ahkan mborihta ahkan'kam kakaro-karooh ijo nyolung ang unuk ahku tuh.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

PILEMON 1:23

Epafras, ijo anai hihco ahku ang sipir tului Kristus Yesus ngirim tabeoh ahkan'mu.

IBRANI 5:14

Ukun ijo mahang tohko ahkan ulun oko, ijo tului pongalaman jari dahpot ngobohkon-bohkon umoh ijo pios tutang umoh ijo ja'at.

IBRANI 5:7

Ang wayah Yesus bolum ang kolunon tuh, Io bodo'a tutang nyawot umba auh kombak tutang tangihoh ahkan Pohotala, ijo sanggup monyolamat Io, tahkan popahtoi. Tutang kotului Io tunduk umba Pohotala honong tuwi horomat, mahka Io tongonahanoh.

YAKOBUS 1:1

Konduang-konduang ukup Pohotala paringoh ijo kosoburan ang sohapus kolunon! Tahbe tahkan ahku, Yakobus, jihpon Pohotala tutang jihpon Tuhan Yesus Kristus.

YAKOBUS 1:4

Jagarih mangat kotabah ahtoi'mu rih, turus mondahang nyiring ihkam tu'u-tu'u soporuna, hawui eam kotahpas a'ang hal inon ka.

YAKOBUS 5:16

Kotului orih, handakrih ihkam saling ngahku kosalan ihco umba ijo bohkon, honong saling bodo'a, mangat ihkam konopios. Do'a ulun ijo numbun konohuang Pohotala, tepun kowasa ijo hajo.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.