KOLOSE 4:11 - BOWOT BOHUA

¹¹ Tahbe hino tahkan Yesus ijo konohawot Yustus ka'a. Tahkan ulun-ulun Yahudi ijo jari porocaya ahkan Tuhan Yesus, tihkas iro botolu iourih ijo huntuh bogawi homboh umba ahku ahkan nguan gawiu tahkan Pohotala. Iro tu'u-tu'u, paham dohop ahku.

KOLOSE 4:11 ပူးပေါင်းရင်းမြစ်များ

KESAH RASUL-RASUL 10:45

Ulun-ulun Yahudi ijo porocaya umba Yesus, tutang iro ijo jari homboh Petrus masap Kornelius rih tahkan Yope paringoh helan, nohto Pohotala nongaoh ka'a Roh-Oh ahkan ulun-ulun uhtus bohkon ijo eam Yahudi.

KESAH RASUL-RASUL 11:2

Pongohuli Petrus tulak nokuh Yerusalem ulun-ulun Yahudi ka ijo jari porocaya ahkan Yesus rih mosalan Petrus.

RUMA 16:3

Nyampaioh tabe'ku ahkan Priskila tutang Akwila jolahak'ku ijo hombo-homboh bogawi ahkan Kristus Yesus.

RUMA 4:12

Abraham ka'a amai rohani ahkan ulun-ulun ijo nuhtut poroturan sunat. Io amai rohani iro, eam baya tului iro nuhtut poroturan sunat, tahpi ka'a tului iro bolum honong porocaya umba Pohotala, sama kolou Abraham aang ohkot io jaha nuhtut poroturan sunat.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

EPESUS 2:11

Konduang-konduang ijo bohkon ulun Yahudi! Ingatrih pombolum'kam aang ohkot lomoi. Ihkam konohawot ‘‘ulun eam bosunat’’, bain ulun Yahudi ijo ngahku arop tonosunat (maksudoh ijo ius ngondahpot tanda ijo tonapa ulun ang behtin iro).

PILIPI 4:3

Ahkan jolahak'ku ijo tehen, ahku nyawot ka'a mangat Konduang dohop koduo ulunbawi rih. Iro jari nguan gawiu paham umba ahku ahkan mborihta Kabar Hinut tahkan Pohotala, sama kolou Klemen tutang paring iro bohkon ijo bogawi hombo-homboh ahku. Aran-aran iro anai tonyurat luwang Buhku Ulun Bolum.

KOLOSE 4:7

Tikhikus, konduang ihto ijo tonokasih, ahkan momborihta ahkan ihkam karo angco tohou ahku. Io te'et bogawi hombo-homboh ihkai ahkan Tuhan.

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

1 TESALONIKA 3:7

Orih rih kotuluioh, Konduang-konduang, ang luwang kokaro kosusah tutang kokarot ihkai, ihkai dahpot apung bain borihta tohou ihkam. Koporocayaan'kam ahkan Kristus mopohajooh ahtoi ihkai,

TITUS 1:10

Tului aro ulun ijo jolik mohiwang, pahtuk ulun-ulun ijo nanaioh boagama Yahudi; iro monihpu ulun bohkon umba pander puang iro.

PILEMON 1:1

Konduang Pilemon, jolahan tutang sobat ihkai! Ahku, Paulus, ihcobehti ulun tohukum kotului Kristus Yesus, homboh umba konduang ihto Timoteus, nyurat surat tuh ahkan'mu,

PILEMON 1:24

Torima ka'a tabe jolahak-jolahak'ku Markus, Aristarkhus, Demas tutang Lukas.