KOLOSE 4:10 - BOWOT BOHUA

¹⁰ Aristarkhus, ijo anai luwang sipir hombo-homboh ahku ngirim tahbe ahkan ihkam. Kodorih ka'a Markus konduang ihcotahtu Barnabas. (Ihkam jari konokirim kabar ahkan naharang io, amat io lombut ahkan'kam.)

KOLOSE 4:10 ပူးပေါင်းရင်းမြစ်များ

KESAH RASUL-RASUL 12:12

Uliorih io borondong umba koada'ai rih, Petrus turus tulak nokuh lohpou Maria inai Yohanes ijo konohawot ka'a Markus. Aang anan aro ulun hopuhpung tutang rahat bodo'a.

KESAH RASUL-RASUL 12:25

Uli Barnabas doro Saulus ngumbot gawin'ndo iro buli tahkan Yerusalem tutang ngomin Yohanes Markus hombo-homboh iro.

KESAH RASUL-RASUL 13:13

Tahkan Pafos, Paulus tutang injah-injahoh bolayar nokuh Perga ang Pamfilia. Ang anan Yohanes Markus nohtahoh iro, turus buli nokuh Yerusalem.

KESAH RASUL-RASUL 13:5

Kotihka johcok ang Salamis, iro mborihta auh Pohotala ang lohpou-lohpou sombayang ulun Yahudi. Yohanes Markus dohop iro a'ang ponomuoi'ndo.

KESAH RASUL-RASUL 19:29

Mahka kokihcuh orih monanyap hapus lowu. Pongohino pulou pongihcuh-ngihcuh rih, nawan Gayus tutang Aristarkhus yorih ulun-ulun Makedonia ijo mongawal Paulus ang ponomuoioh, turus nunda iro nokuh alun-alun lowu rih.

KESAH RASUL-RASUL 20:4

Sopater anak Pirus ijo asaroh tahkan Berea tulak homboh io; tutang kodorih ka'a Aristarkhus doro Sekundus ulun Tesalonika tutang Gayus ulun Derbe. Ka'a Timoteus, Tikhikus tutang Trofimus, ulun-ulun tahkan Propinsi Asia.

KESAH RASUL-RASUL 27:2

Ihkai jahkat kapal ijo lombut tahkan Adramitium, pongohuli tulak homboh kapal rih, ijo ius sodia tulak bolayar nokuh polobuhan-polobuhan ang Propinsi Asia. Aristarkhus ihcobehti tahkan Makedonia ijo lombut tahkan Tesalonika, bolayar ka'a hombo-homboh ihkai.

KESAH RASUL-RASUL 4:36

Kodorih ka'a umba Yusep. Io ka modagang tana aiuoh, turus duit ponjualan rih io ngitot tutang nyorahoh ahkan rasul-rasul. Yusep rih anai ihcobehti lihit Lewi tahkan Siprus; rasul-rasul ngohawot io Barnabas (rimai Ngonjorih).

RUMA 16:2

Tonorimarih io kolou ihcobehti, tahkan ukup Tuhan ka'a. Puna kolourih ulun-ulun ijo porocaya umba Pohotala harus norima ihco umba ijobohkon. Dohop io amat io porulu pondohop tahkan ihkam, tului io bongoi jari dohop aro ulun – tame ahku.

RUMA 16:7

Nyampaioh ka'a tabe'ku ka'a ahkan Andronikus tutang Yunias. Iro ihcolihting uhtus umba ahku tutang pu'u nyolong sipir hombo-homboh ahku. Houn umba ahku porocaya umba Kristus, iro soun porocaya. Iro bosewut louk dolang rasul.

2 TIMOTEUS 4:11

Tihkas Lukas ijo mohcon umba ahku. Omin Markus tutang ngomin io homboh ihko, tului io dahpot dohop a'ang gawik'ku.

PILEMON 1:23

Epafras, ijo anai hihco ahku ang sipir tului Kristus Yesus ngirim tabeoh ahkan'mu.

PILEMON 1:24

Torima ka'a tabe jolahak-jolahak'ku Markus, Aristarkhus, Demas tutang Lukas.

1 PETRUS 5:13

Sobat-sobat ihcoukup ang Babilon, ijo ka'a konopili bain Pohotala, ngirim tabe ahkan'kam; kolourih ka'a anak'ku Markus ijo tonyita.