KOLOSE 3:4 - BOWOT BOHUA

⁴ Nah, tohasak pombolum'kam ijo sojahti orihrih Kristus, tutang amat Io korinah noin, ihkam ka'a ahkan lombut hombo-homboh umba Io a'ang kohajoi-Oh!

KOLOSE 3:4 ပူးပေါင်းရင်းမြစ်များ

MATEUS 13:43

Tutang ulun-ulun ijo nguan kohondak Pohotala ahkan ngorolondang kolou mahtan ondou ang luwang Kolunon Bohua Ain Pohotala, Amai iro. Jadi amat anaingina tolinga, ngonihoh!”

LUKAS 17:30

Kolouorih rih koada'anoh noin aang ondou Anak Ulun tongorinah.

YOHANES 11:25

‘‘AHKU TUH IJO NONGA POMBOLUM TUTANG NGOMONYUN ULUN MAHTOI,’’ hion Yesus umba Marta. ‘‘ULUN IJO POROCAYA UMBA AHKU AHKAN BOLUM, OLU KA IO JARI MAHTOI.

YOHANES 14:3

Uliumba Ahku tulak nahtap unuk ahkan'kam, Ahku hoduli hino tutang ngomin ihkam, mangat ang umoh Ahku anai, ang anan ka'a ihkam anai.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

KESAH RASUL-RASUL 3:15

Konduang-konduang munu Io, padahar kopunaoh Io rih luwang tohasak pombolum ahkan paring ulun. Tutang Pohotala jari ngombolum Io huli tahkan popahtoi. Ihkai jari monyaksi bongon 'kai hal rih.

RUMA 8:18

Paring kongarot ijo ihto nyuruoh huntuh numbun tiruk'ku eam dahpot, tonihpong samasino umba horomat ijo ahkan tongorinah bagin ihto.

RUMA 8:19

Sohopus ijopindalangit ngindoi honong paham rindu umba wayahoh Pohotala ngorinah anak-anak-Oh.

1 KORINTUS 1:7

nyiring ihkam eam kurang ihco borehkat ka, pondehan ihkam ngindoi Tuhan ihto Yesus Kristus lombut, tutang gihtan kobain paring ulun.

1 KORINTUS 15:43

Ang ohkot behti rih tonanom, behti rih maram tutang bolomu; tahpi ang ohkot io tonombolum hoduli, io anairih behti ijo pios tutang ba'as.

2 KORINTUS 4:17

Tutang kosusah ijo eam sopiraoh tuh, ijo ihkai nyuruoh tihkas pondehan, ahkan momua bagin ihkai ihco kosanang, ijo luar biasa tutang abadi. Kosanang orih mahcu labih hajo amat tonindung umba kosusahan rih bongoi.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

PILIPI 3:21

Behtin ihto ijo bolomu tutang duon maram tuh, ahkan konubah bain Kristus monjadi kolou behtin Aiu bongoi ijo borasih. Io dahpot nguan orih kotului Io anai-ngina kowasa duon pominda kokaro aangihco.

1 TESALONIKA 4:17

Uliorih ihto ijo magun bolum ang ohkot rih ahkan hombo-homboh hogatang umba iro nohkuh luwang bounondou-bounondou ahkan hosombang umba Tuhan ang diang. Turus ihto ahkan mohcon umba Tuhan turus-jahamoh.

1 TIMOTEUS 6:14

Ne'etrih umbaparing poretah orih socara brasih, tutang eam sala johcok ang ondou Tuhan ihto Yesus Kristus lombut hoduli.

2 TIMOTEUS 1:1

Timoteus anak'ku ijo tonongasih! Ahku, Paulus, nyurat surat tuh ahkan'mu tutang bokoharap, keleh Pohotala, Amai tutang Tuhan ihto Kristus Yesus nonga borehkat, pononganasi tutang kosanang ahkan'mu. Ngosan konohuang Pohotala, ahku tonotuot monjadi rasul Kristus Yesus, tutang tonyuhu ahkan mborihta, tohou pombolum ijo tonobowot Pohotala. Pombolum orih ihto torima tului kohihco umba Kristus Yesus.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 5:4

Tutang ang ohkot Sokahtik Hajo rih lombut noin, ihkam ahkan norima mahkota ijo gomilang, ijo eam ahkan kawus kogomilangoh.

1 YOHANES 2:28

Jadi, anak-anak'ku, tahtaprih bolum hihco umba Kristus, mangat noin ang ohkot Io lombut, ihto noharep Io honong tuwi kohanyi, tutang eam nyuhuk arop tului mia.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

1 YOHANES 5:12

Ulun ijo anaitepun Anak Pohotala io anaitepun pombolum rih; tutang ulun ijo eam anaitepun Io, eam anaitepun pombolum rih.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.

PONGORINAH 2:7

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman bua tahkan bahtang pombolum ijo tumbu ang Pombulan Pohotala.’’

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.

PONGORINAH 22:14

Kosanangrih, ulun ijo muhi jubahoh nyiring borasih, nyiring iro dahpothak, kuman bua tahkan pu'un pombolum, tutang nyolong nokuh lowu rih nguha bauntukang lowuoh.