KOLOSE 3:3 - BOWOT BOHUA

³ Kotului ihkam ius mahtoi, tutang pombolum ihkam bosuhuk hihco Kristus ang a'ang Pohotala.

KOLOSE 3:3 ပူးပေါင်းရင်းမြစ်များ

MATEUS 11:25

Ang ohkot rih Yesus bodo'a, “Amai, Tuhan ijo ngowasa langit tutang tana! Ahku ngohawot torimakasih umba Ihko, tului paringoh orih ihko ngulimoh tahkan ulun-ulun, ijo pitar tutang bosokula, tahpi ihko ngorinahoh ahkan ulun-ulun ijo eam sokula.

YOHANES 14:19

Mohcon honjulu iou kolunon eam ahkan nohto Ahku hino. Tahpi ihkam ahkan nohto Ahku. Tutang tului Ahku bolum, ihkam ka ahkan bolum.

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

YOHANES 5:40

Tahpi ihkam eam kani lombut nokuh Ahku bagi dahpot pombolum kototahiu.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

RUMA 6:11

Ihkam harus ka'a ngohu arop'kam mahtoi tahmo dusa, tahpi bolum a'ang kohico ijo tehen umba Pohotala, nguha Kristus Yesus.

RUMA 6:2

Puna eam! Dusa eam hino bokowasa umba ihto, jadi, kuwoh tou ihto hototurus bolum hawui napa dusa hino?

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

2 KORINTUS 5:14

Sihtan Kristusih ijo mongowasa ihkai, tutang ihkai borondong, ijo amat ihcobehti jari mahtoi ahkan paring ulun, mahka orihrih rimai ijo paring ulun jari mahtoi.

2 KORINTUS 5:7

Kotului ihkai bolum hogalang porocaya umba Kristus, eam hogalang inon ijo dahpot tonohto,

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

EPESUS 3:9

tutang ka'a mangat nguha ahku paring ulun taan, koloukuwoh Pohotala, Pona'oi aangpindalangit tuh, molalus rancana-Oh ijo tahkan hounlomoi tonosuhuk ahkan kolunon.

PILIPI 4:7

Mahka kosanang tahkan Pohotala ijo eam haraptou dahpot tohorahti kolunon, ahkan monjaga ahtoi tutang tiruk'kam ijo jari hihco umba Kristus Yesus.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

KOLOSE 2:20

Ihkam ius mahtoi hombo-homboh Kristus, tutang jari tomorodehka tahkan roh-roh ijo bokowasa ang pindalangit tuh. Nah, ombai ihkam bolum kolou ulun ijo magun konowasa bain kolunon tuh? Ombai ihkam tunduk umba poroturan-poroturan koloutuh?

KOLOSE 2:3

Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

KOLOSE 3:4

Nah, tohasak pombolum'kam ijo sojahti orihrih Kristus, tutang amat Io korinah noin, ihkam ka'a ahkan lombut hombo-homboh umba Io a'ang kohajoi-Oh!

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

1 PETRUS 3:4

Tombalikoh, hondakrih kobohinoi'mu lombut tahkan luwang ahtoi, budi basa ijo bolomu luwah tutang teneng; orih rih kobohinoi abadi ijo paham borega numbun ponopahjah Pohotala.

1 PETRUS 4:2

Kobain orih, hondakrih ihkam bolum toturusoh ang kolunon tuh, numbun konohuang Pohotala, tutang eam numbun kojolik kolunon.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’