KOLOSE 3:24 - BOWOT BOHUA

²⁴ Ingatrih ijo ihkam ahkan norima upah tahkan Tuhan. Inon ijo tonahtap Tuhan ahkan ukup Aiu, orihrih ijo ahkan tononga ahkan'kam. Kotului tepun, ijo kotu'uioh rahat tohalu bain ihkam, anairih Kristus bongoi.

KOLOSE 3:24 ပူးပေါင်းရင်းမြစ်များ

MATEUS 10:41

Ulun ijo norima nabi tului io nabi, ahkan norima upah ihcobehti nabi. Tutang iai ijo norima ihcobehti ijo morong, tului io morong, ahkan norima upah ihcobehti ijo morong.

MATEUS 5:12

Nabi-nabi ijo bolum hounumba ihkam ka'a jari tongoporos kodorih. Jorih tutang jerah ihkam, tului hajo upah aang soruga ijo tonyodia Tuhan ahkan ihkam.”

MATEUS 5:46

Kotului amat ihkam ngasih baya umba ulun ijo ngasih ihkam ih, ahkan inon Pohotala harus malos gawin'kam rih? Eamkah ponagih-ponagih pajak ka'a mahi nguan ang kolouorih?

MATEUS 6:16

“Amat ihkam puasa, ara boum mosom kolou ulun ijo jolik bopura-pura. Iro ngubah tapan baui, mangat paring ulun ngota'an ijo iro puasa. Ingat, orih-rih upah ijo iro jari norimaoh.

MATEUS 6:5

“Amat ihkam bodo'a, ara kolou ulun-ulun ijo jolik pura-pura. Iro jolik bodo'a hawui tombok ang lohpou sombayang tutang sapang jalan mangat tonohto ulun. Ingat, orih upah ijo'ndo jari norimaoh.

LUKAS 14:14

Ihko ahkan tomorehkat, tului ulun-ulun rih tutang eam ahkan duon mbalasoh kopios'kam rih. Kopios'kam orih ahkan tomalos bain Pohotala aang ohkot ulun-ulun ijo morong monyun huli tahkan popahtoi.’’

LUKAS 6:35

Koharusoh eam kolourih! Ihkam sobalikoh harus ngasih musuh'kam, tutang nguan aang hinut ahkan iro. Ihkam harus nonga pohonjaman, tutang ara harapoh tou buli. Amat kolourih uhpah'kam ahkan hajo, tutang ihkam ahkan monjadi anak-anak Pohotala Ijo Maha Isung. Tului Pohotala hinut ahtoi nohimo ulun ijo eam ta'an torimakasih, tutang tohimo ulun ijo ja'at ka'a.

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

KESAH RASUL-RASUL 20:32

Huntuh ahku nyarah ihkam ahkan Pohotala mangat Io ijo monjaga ihkam, tutang mangat ihkam nambit aang kabar pononganasi Pohotala. Pohotala tepun kowasa ahkan ngomba'asoh ihkam, tutang nonga ahkan'mu borehkat-borehkat ijo jari tonahtap-Oh ahkan paring ukup Aiu.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

RUMA 14:18

Ulun ijo mohalu Kristus cara kolourih, ulun rih ngojorih ahtoi Pohotala tutang tomorega bain ulun-ulun bohkon.

1 KORINTUS 11:23

Tului ijo ahku majaroh ahkan'kam, iorih ahku torimaoh tahkan Tuhan bongoi; ijo ang ngolomi orih, kotihka Yesus Tuhan ihto tomotanah, Io ngomin ruhte,

1 KORINTUS 3:8

Koduooh anai kosamaoh. Nyino-nyinong tihkas ahkan norima opah numbun hekabo'o iro.

1 KORINTUS 7:22

Tului ihcobehti jihpon jari porocaya umba Tuhan, anairih monjadi ulun ain Tuhan ijo morodehka. Tutang ihcobehti morodehka ijo jari porocaya umba Tuhan, anairih jihpon Kristus.

GALATIA 1:10

Inonrih umba orih topahjah ahku koloujahka moharap tongahku bain kolunon? Samasino eam! Ahku baya moharaprih pongahkuan tahkan Pohotala. Inonkah ahku rahat bousaha ngomin ahtoi ulun, mangat tongojorih ulun? Amat ahku magun nguan kodorih, ahku eam jihpon Kristus.

EPESUS 6:6

A'ai nguan angkodorih tihkas ang ohkot ihkam tonopahjah, tihkas ahkan dahpot tara tahkan ulun. Tahpi hondakrih ihkam nguaioh, kolou jihpon Kristus ijo rahat numbun kohondak Pohotala honong kotuwi ahtoi.

EPESUS 6:8

Ingatrih ijo nyinong ulun, pios jihpon, kanika ulun morodehka, ahkan norima balosoh tahkan Tuhan, ahkan hal-hal pios ijo konuaioh.

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

IBRANI 10:35

Bain kotului orih, ara putus-asa, kotului amat ihkam bokehtep porocaya, mahka anai upah ijo hajo ahkan orih!

IBRANI 11:6

Earo porocaya, eam ihcobehti ka duon ngojorih ahtoi Pohotala. Bain ulun ijo lombut nokuh Pohotala harus porocaya ijo Pohotala tohko, tutang ijo Pohotala nonga balos ahkan ulun ijo ngurah-Oh.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

1 PETRUS 1:4

Ihto bokoharap ahkan anaitepun borehkat-borehkat ijo tonyodia Pohotala ahkan ukup-Oh, yorih borehkat-borehkat ijo tongina-Oh ang soruga, nyiring eam dahpot rusak, ata'ai monjadi maram, ata'ai ka luntur.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

YUDAS 1:1

Konduang-konduang ijo jari tona'ah, tutang ijo paham tonongasih bain Pohotala, Amai, hawui tonojaga bagi Yesus Kristus. Kolou jihpon Yesus Kristus, ahku – Yudas – konduang tahkan Yakobus,