KOLOSE 3:17 - BOWOT BOHUA

¹⁷ Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.

KOLOSE 3:17 ပူးပေါင်းရင်းမြစ်များ

MATEUS 28:19

Tului orih, tulakrih ahkan kokaron uhtusulun ang sohapus kolunon, ngonjodian iro monjadi murid-murid-Ku. Mopondus iro honong ngohawot aran Amai, tutang Anak, tutang Roh borasih Pohotala.

KESAH RASUL-RASUL 19:17

Paring ulun Yahudi tutang ulun-ulun uhtus bohkon ijo mohcon ang Epesus ngonih tohou kojodian rih turus iro monjadi mihkoh. Mahka aran Tuhan Yesus mahi tonara-nara.

KESAH RASUL-RASUL 4:30

Nongaohrih pondohop-Mu mangat ulun poros tonopios, tutang tandahelan-tandahelan hawui hal-hal ijo luar biasa nyolung, nguha kowasa tutang koba'as tahkan aran Yesus, Jihpon-Mu ijo Borasih rih.’’

RUMA 1:8

Pahtuk-pahtuk nguha Yesus Kristus, ahku monorimakasih ahkan Pohotala tului Konduang-konduang paringoh; tului sohopus kolunon jari ngonih ijo ihkam porocaya samasino umba Kristus.

1 KORINTUS 10:31

Inon ka ijo Konduang nguai – Konduang kumai ata'ai Konduang ngorihoh – nguan paringoh orihrih ahkan mohoromat Pohotala.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 5:20

Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 2:11

Iro paringoh ahkan mongahku ijo Yesus Kristusrih Tuhan; umba kodorih Pohotala, Amai tonohoromatoh.

KOLOSE 1:12

tutang hawui ngohawot torimakasih ahkan Amai. Kotului Amai orihrih ijo nguan ihkam harus norima inon ijo tonyodia Pohotala ahkan ukup-Oh ang luwang kolahca'ai-Oh ijo boloang.

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

KOLOSE 3:23

Gawi inon iou ijo tononga ahkan'kam, hondakrih ihkam nguaioh umba kotuwi ahtoi, koloujahka Tuhanrih ijo ihkam haluoh, tutang eam baya ulun.

1 TESALONIKA 1:1

Konduang-konduang ukup ang Tesalonika, ijo monjadi ukup ain Pohotala, Amai, tutang Tuhan Yesus Kristus. Ihkai, yorih Paulus, Silas tutang Timoteus moharap, keleh Pohotala nonga berkat tutang kosanang ahkan ihkam.

1 TESALONIKA 5:18

Aang kokaro koada'an, hondakrih ihkam norimakasih, kotului orihrih ijo Pohotala jolik tahkan ihkam, kolou ulun ijo bolum hihco umba Kristus Yesus.

IBRANI 1:5

Eam pu'u Pohotala nuhtui koloutuh, ahkan ihcobehti molehkat ka, ‘‘Ihkorih Anak-Ku; aang ondou tuh Ahku monjadi Amai'mu.’’ Eam pu'u hino Pohotala nuhtui koloutuh, tohou molehkat ijo amohka, ka'a, ‘‘Ahku ahkan monjadi Amaioh tutang Io ahkan monjadi Anak-Ku.’’

IBRANI 13:15

Kotului rih, honong poholat Yesus, hondakrih ihto toturus monyanyi tara ahkan Pohotala; orih samakolou porahpah torimakasih ihto ahkai-Oh, ijo ihto monyorah nguha auh biwih ahkan mohoromat arai-Oh.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

1 YOHANES 2:23

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.

1 YOHANES 3:18

Anak-anak'ku! Ararih ihto ngasi baya ang nyama, ata'ai tihkas umba kohawot iou. Hondakrih ihto ngasi umba kasih ijo sojahti, ijo tongorinah umba gawin ihto.