KOLOSE 3:16 - BOWOT BOHUA

¹⁶ Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

KOLOSE 3:16 ပူးပေါင်းရင်းမြစ်များ

MATEUS 26:30

Pongohuli rih iro monyanyi ihco nyanyi tara. Tutang uliorih rih iro tulak nokuh Puruk Zaitun.

LUKAS 2:51

Pongohuli Yesus buli homboh iro nokuh Nasaret, tutang te'et umba iro. Paring hal orih ngina bain inai-Oh ang luwang ahtoioh.

YOHANES 15:7

Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

RUMA 10:17

Orih kotuluioh ulun-ulun monjadi porocaya, tului iro ngonih borihta, tutang borihta rih konahan, tului anai ulun ijo mborihtaoh tohou Kristus.

RUMA 15:14

Konduang-konduang! Ahku yahkin ijo anai aro samasino hal ijo pios aang ihko. Ihkam ka ngota'an kokaron paringoh tutang duon majar ihco umba ijobohkon ka'a.

1 KORINTUS 14:15

Jadi ahku harus nguan inon? Ituh ijo ahkan ahku nguai: Ahku ahkan bodo'a honong roh'ku, tahpi ahku ahkan bodo'a ka'a umba tiruk'ku. Ahku ahkan monyanyi umba roh'ku, tahpi ahku kani monyanyi ka'a umba tiruk'ku.

1 KORINTUS 14:26

Jadi, Konduang-konduang, inon rimaioh paringoh rih? Amat ihkam hopuhpung ahkan nyembah Tuhan, anai ijo monyanyi, anai ijo majar, anai ijo mborihta angihco tahkan Pohotala, anai ijo bopander a'ang basa ijo helan, tutang anai ijo monarang inon ijo tonuhtui rih. Tahpi paringoh orih harus nguaioh mangat majar tutang mangat ahkan kopios paringoh.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 5:17

A'ai uong, tahpi nolihti inon ijo tongohondak Tuhan.

EPESUS 5:19

Hapa tuhtui-tuhtui tahkan Masmur, monyanyi karon-tara tutang lagu rohani a'ang pander-pander'mu. Hondakrih ihkam hawui ahtoi ijo jorih monyanyi karon-tara ahkan Tuhan.

EPESUS 5:26

Kristus nguanohrih, mangat Io duon moporasih ukup rih, umba ajar-Oh tutang nguha danum popondus, mangat pongohuli Io dahpot monyarah-Oh ahkan Pohotala.

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

KOLOSE 4:6

Hondakrih hal-hal ijo ihkam ngohawotoh toturus monyanang tutang monarik. Hondakrih ihkam kota'an kolouamoh soharusoh ihkam mutah karon-kisok ulun.

1 TESALONIKA 1:8

Kotului nopara tahkan ihkam, borihta tohou Tuhan, jari tosiar nyiring nokuh Makedonia tutang Akhaya. Tutang eam tihkas orih iou, mahihino borihta tohou koloukuwoh ihkam porocaya, umba Pohotala jari johcok nokuh umoh-umoh, nyiring ihkai eam porulu hino nuhtui ino-inon.

1 TESALONIKA 4:18

Tului rih, hondakrih ihkam saling ngomba'as ahtoi honong hapan tuhtui-tuhtui tuh.

2 TESALONIKA 3:15

Tahpi a'ai nguan io kolou musuh; tihkas ningak io kolou ihcobehti Konduang.

1 TIMOTEUS 6:17

Ahkan ulun-ulun ijo tahtou ang kolunon tuh, hondakrih ihko nyawot, mangat iro ara bojuhu, tutang ara bokoharap ahkan ramui-ramui ijo eam bunggut – kolou haloh umba ponahtou. Iro harus bokoharap ahkan Pohotala, ijo nonga karon aang'co ahkan ihto honong molowi, mangat ihto komonanyamoh.

2 TIMOTEUS 3:15

Ihko harus ingat, ijo tahkan koik, ihko jari kosono Surat Borasih. Surat Borasih rih dahpot nonga ahkan'kam horahti ahkan dahpot solamat, nguha porocaya umba Kristus Yesus.

TITUS 3:6

Pohotala nusuh Roh-Oh ahkan ihto honong poholat Yesus Kristus, Lahca Ponyolamat ihto.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

YAKOBUS 5:13

Amat ang louk'kam anai ijo rahat susah, kopiosoh io bodo'a. Amat anai ijo jorih, handakrih io monyanyi monara Pohotala.

1 YOHANES 2:14

Ahku nyurat ahkan'kam, anak-inyam, tului ihkam ngosono Pohotala, Amai. Ahku nyurat ahkan'kam, Amai-amai, tului ihkam ngosono Auh ijo jari anai tahkan pahtuk nopara. Ahku nyurat ahkan'kam ulun-ulun biou, bain ihkam ba'as. Auh Pohotala anai ang luwang ahtoi'kam, tutang ihkam jari mongalah ijo Ja'at.

1 YOHANES 2:24

Bain orih, borihta ijo jari ihkam ngonihoh, toparan ihkam pahtu-pahtukoh porocaya, harus ihkam mohagaoh pio-pios ang luwang ahtoi'kam. Amat borihta tuh ihkam mohaga pio-pios, ihkam ahkan toturus bolum hihco umba Anak tutang umba Amai.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.

2 YOHANES 1:2

Bain Pohotala mohcon ang luwang ahtoi ihto, tutang ahkan toturus anai umba ihto turus-jahamoh.

PONGORINAH 14:3

Ang baun pododusan tutang koohpat angbolum hawui dolang okon, ang kodiling pododusan rih 144.000 behti rih, monyanyi ihco nyanyian ijo bohua. Nyanyi orih eam dahpot tonyokula bain ihcobehti ka, bohkonumba tahkan 144.000 behti rih, ijo jari tomorodehkaoh tahkan tana.

PONGORINAH 15:3

Tutang iro monyanyi, nyanyian Museh, jihpon Pohotala, tutang nyanyin Anak Tobiri. Koloutuh auhoh, ‘‘Tuhan, Pohotala Mahakowasa, eaminon kohajoi tutang kohelanoh gawin-gawin-Mu! Lahca kokaron uhtus, eaminonrih adil tutang morong tindakan-tindakan-Mu!

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.