KOLOSE 3:15 - BOWOT BOHUA

¹⁵ Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

KOLOSE 3:15 ပူးပေါင်းရင်းမြစ်များ

YOHANES 14:27

Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

RUMA 1:21

Ulun ngosono Pohotala, tahpi ulun eamkani mohoromat Io kolou Pohotala, tutang eam ka'a botorimakasih ahkai-Oh. Tobalikoh kolunon nirukoh ijo bohko-bohkon; ahtoi iro jari kotinget.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

1 KORINTUS 10:17

Bain kotuluioh tihkas anai ihco ruhte, tutang ihto paringoh kuman, tahkan ruhte ijo ihco rih ka'a, mahka ihto ijo aro tuh, monjadi ihco kobereng.

1 KORINTUS 7:15

Tahpi amat ulun ijo eam porocaya rih nohtah oruhoh ata'ai bosaioh ijo Kristen, ara nahan io. A'ang hal tuh Konduangbawi ata'ai Konduangbahkas rih bebas, kobain Pohotala kani mangat Konduang bolum honong rukun.

2 KORINTUS 4:15

Paringoh rih anaioh ahkan kogunan'kam. Tului mahi-mahi aro ulun nginyam kasih Pohotala, mahi-mahi aro hino do'a torimakasih ijo tonyapai ahkan Pohotala; honong kodorih Pohotala tonotara.

2 KORINTUS 9:11

Honong kodorih ihkam ahkan serba sukup aang kokaro hal, nyiring ihkam turus dahpot nonga hawui murah ahtoi. Tutang pononga-pononga'kam, ijo ihkai magi-magioh, kotuluioh aro ulun ngohawot torimakasih ahkan Pohotala.

EPESUS 4:16

Ang pinda totiring-Oh paring ramun behtiu rih tosusun rahpi, tutang saling hotutung bain sambung-sahpanoh nyinong-nyinong. Tutang amat nyino-nyinong ramunbehtiu rih bogawi kolou ijo koharusoh, mahka sohopus behtiu rih ahkan tumbu monjadi dewasa tutang ba'as nguha kasih.

EPESUS 4:4

Tihkas anai ihco bereng tutang ihco Roh. Kodorih ka'a ihkam, tona'ah ahkan ihco koharap ijo sama.

EPESUS 5:1

Ihkam anairih anak-anak Pohotala ijo tonokasih-Oh, kobain orih ihkam harus ngurahjalan monutut sutu Pohotala.

EPESUS 5:20

Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

KOLOSE 1:12

tutang hawui ngohawot torimakasih ahkan Amai. Kotului Amai orihrih ijo nguan ihkam harus norima inon ijo tonyodia Pohotala ahkan ukup-Oh ang luwang kolahca'ai-Oh ijo boloang.

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

KOLOSE 3:17

Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.

1 TESALONIKA 5:18

Aang kokaro koada'an, hondakrih ihkam norimakasih, kotului orihrih ijo Pohotala jolik tahkan ihkam, kolou ulun ijo bolum hihco umba Kristus Yesus.

1 TIMOTEUS 2:1

Pahtu-pahtukoh, ahku nyawot honong paham, mangat sawot, sombayang, tutang do'a sapa'at hawui kohawot torimakasih tonyapai ahkan Pohotala ahkan paring ulun,

1 TIMOTEUS 6:12

Hokolahi tu'u-tu'u ahkan bolum kolou ulun Kristen, mangat ihko nyomba'an hodiah pombolum sojahti tutang kototahiu. Kotului ahkan orihrih Pohotala na'ah ihko, ang kotihka ihko ngahku ang toharep aro ulun, ijo ihko porocaya umba Kristus.

IBRANI 13:15

Kotului rih, honong poholat Yesus, hondakrih ihto toturus monyanyi tara ahkan Pohotala; orih samakolou porahpah torimakasih ihto ahkai-Oh, ijo ihto monyorah nguha auh biwih ahkan mohoromat arai-Oh.

PONGORINAH 7:12

Iro bososurak, ‘‘Amen! Tara ahkan Pohotalan ihto ijo hajo tutang pihtar. Io pahtut tonusuh umba auh-auh torimakasih tutang kohoromatan. Io bokowasa tutang ba'as ahkan turus-jahamoh! Amen.’’