KOLOSE 3:14 - BOWOT BOHUA

¹⁴ Tutang ijo boguna, iorih: Ihkam harus saling mongasih. Kotului kasih orihrih ijo pohihco Konduang-konduang paringoh nyiring monjadi soporuna.

KOLOSE 3:14 ပူးပေါင်းရင်းမြစ်များ

YOHANES 13:34

Poretah bohua Ahku nongaoh ahkan'kam: Hokasih ihco umba 'jobohkon sama kolou Ahku ngasih ihkam, kodorih ka'a ihkam harus saling hokasih.

YOHANES 15:12

Tuhrih poretah-Ku: Ngasih ohrih ihco sama 'jobohkon, sama kolou Ahku jari ngasih ihkam.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

RUMA 13:8

Ara tohutang inon ka, umba iai ka'a, kocoali tohutang kasih umba sama arop'kam. Tului ulun ijo mongasi sama aropoh jari molalus hukum Museh.

EPESUS 1:4

Sounumba kolunon tuh tona'oi, Pohotala ius mitih ihto nguha Kristus umba maksud, mangat ihto monjadi ulun-Aiu-Oh ijo khusus, tutang eam cahcat ang toharep-Oh. Tului sitan Pohotala,

EPESUS 4:3

Bousaha tu'u-tu'u ahkan bolum honong kobuah, mangat kohihco ijo tona'oi bain Roh Pohotala tohtap tonojaga.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

1 TESALONIKA 4:9

Eam gunai hino ihkai nyurat ahkan'kam, tohou koloukuwoh ihkam harus ngasi konduang-konduang ijo 'cokoporocaya. Ihkam bongon jari tongajar bain Pohotala ahkan ngasih ihco umba ijobohkon.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

IBRANI 6:1

Kotului rih, olai ihto miar nokuh polajaran-polajaran ijo labih ombu tohou kookooh pombolum Kristen, tutang ara tihkas nuneng ajas-ajas pahtuk ajaran agaman ihto. Ara ihto nokoluli hino ajaran dasar, ijo ulun harus tondo nguan hal-hal ijo eam boguna, tutang harus porocaya ahkan Pohotala,

1 PETRUS 4:8

Labih tahkanumba kokaro-karooh, hondakrih ihkam tu'u-tu'u mongasi ihco umba ijobohkon, kotului hawui saling masi ihkam ahkan bosodia ka'a ahkan saling mongapun.

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 3:10

Tuhrih kobohkoioh holat anak-anak Pohotala umba anak-anak Sehtan; ia-iai eam nguan kohondak Pohotala, ata'ai eam masi konduangoh, io bohkon Anak Pohotala.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 4:21

Kotului rih, tuhrih poretah ijo tononga Kristus ahkan ihto: Ia-iai ngasih Pohotala harus ngasih konduangoh ka'a.