KOLOSE 3:11 - BOWOT BOHUA

¹¹ Kolou akibat tahkanmba rih dilaprih kokaron kobohkon-kobohkon holat ulun Yahudi tutang bohkon Yahudi, ulun bosunat, tutang ulun ijo eam bosunat, eam anai hino kobohkonoh, holat ulun bohkonuhtus tutang ulun biadab holat jihpon tutang ulun morodehka, tului Kristus anairih koparing-paringoh tutang Io hihco umba iro paringoh!

KOLOSE 3:11 ပူးပေါင်းရင်းမြစ်များ

YOHANES 14:23

Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.

YOHANES 15:5

AHKU TUH PU'UN ANGGUR, TUTANG IHKAM RIH DA'AI-DA'AIOH. Ulun ijo tohtap hihco honong Ahku, tutang Ahku honong io, ahkan momua aro; tului earo Ahku, ihkam eam tou monguanoh ino-inon.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

KESAH RASUL-RASUL 15:17

mangat paring ulun ijo putai rih ngurah Tuhan, homboh paring uhtus ijo bohkon Yahudi ijo jari Ahku na'ahoh monjadi ukup-Ku.’ Kodorihrih hion Tuhan,

KESAH RASUL-RASUL 28:2

Ponduduk pulou orih paham bojenta toharep ihkai. Iro noharang ihkai paringoh hawui pios, tutang nohun baho ahkan 'kai, tului jari nopara mosuluh uhjan, tutang bahiu paham sorongin.

KESAH RASUL-RASUL 28:4

Kotihka ulun-ulun ijo mohcon ang pulou rih nohto lohi rih nguling longon Paulus, iro hopander sama arop'ndo, ‘‘Ulun tuh kopunaoh pomunu, tului oluka io luhput tahkan tasik, Dewi Koadilan eam mohonou io bolum.’’

RUMA 1:14

Tului ahku tepun gawi toharep karon uhtus: ijo jari bohadat tutang ijo eambohadat, ijo sokula ata'ai ijo eamsokula.

RUMA 10:12

Orih nyolung toharep paring ulun, kotului eam aro bedaoh holat ulun Yahudi umba ulun-ulun uhtus bohkon. Pohotala ijo ihco orih anairih Tuhan ahkan paring ulun. Io nonga borehkat ijo molowi-lowi ahkan paring ulun ijo nyawot dohop umba Io.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 3:29

Ata'aikah Pohotala rih Pohotalan ulun Yahudi bewe? Eamrih Io Pohotalan uhtus ulunbohkon ka'a? Yo. Puna Io Pohotalan uhtus bohkon ka'a!

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.

1 KORINTUS 14:11

Tahpi amat ahku eam horahti basa ijo tonohawot ihcobehti, mahka ulun ijo hapan basa rih sama kolou ulun bohkonuhtus toharep ahku; kodorih ka'a ahku toharep io.

1 KORINTUS 7:19

Tului nihtoi poroturan sunat, ata'ai eam nihtoioh koduo-duooh, sama-sama eam anai rimai ino-inon. Ijo mbahtang io rih numbun poretah-poretah Pohotala.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

EPESUS 1:23

Ukup anai behtin Kristus, tonyoporuna bain Io ijo nyoporuna kokaron aangco ang amoh ka ka'a.

EPESUS 2:14

Kotului Kristus bongoi anai pongobuah ihto. Io mompohihco ulun-ulun Yahudi tutang ulun-ulun bohkon Yahudi, monjadi ihco uhtus. Dinding pomisah, holat iro, iorih komusuh, jari tongolonyuh bain Kristus honong nyorah arop-Oh bongoi.

EPESUS 2:15

Hukum agama Yahudi hawui poretah-poretah tutang aturan-aturan-Oh jari tongudap bain Kristus, mangat duo uhtus rih monjadi ihco uhtus kolunon bohua, ijo hihco umba Io. Umba cara orihrih Kristus ngonjorian kobuah.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

EPESUS 3:6

Rahasia rih, iorih tuh: Nguha Kabar Hinut rih, ulun bohkon Yahudi umba nginyam borehkat-borehkat Pohotala, ijo lomoi tonahtap tihkas ahkan ulun Yahudi. Ulun-ulun bohkon Yahudi jari monjadi ramu tahkan behti ijo sama, tutang umba norima inon ijo tonobowot Pohotala nguha Kristus Yesus.

EPESUS 6:8

Ingatrih ijo nyinong ulun, pios jihpon, kanika ulun morodehka, ahkan norima balosoh tahkan Tuhan, ahkan hal-hal pios ijo konuaioh.

KOLOSE 2:10

Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

2 YOHANES 1:9

Ulun ijo eam nambit aang ajaran Kristus, molekan nyapang tahkan inon ijo tonongajaroh bain Kristus, ulun orih eam anaingina Pohotala. Ulun ijo tahtap ang luwang ajaran Kristus, rimai, anaingina, kohinut Pohotala, Amai, oluka Anak.