KOLOSE 2:8 - BOWOT BOHUA

⁸ Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

KOLOSE 2:8 ပူးပေါင်းရင်းမြစ်များ

MATEUS 10:17

Jaga-jaga, tului ihkam ahkan tonawan, tutang ahkan tonohimooh ang lohpou-bosara. Ihkam ahkan tonosiksa ang lohpou-lohpou sombayang.

MATEUS 16:6

Yesus nuhtui umba iro, “Bua-buah toharep ragin ulun-ulun Parisi tutang Saduki.”

MATEUS 7:15

“Rondo-rondong toharep nabi-nabi polasu. Iro lombut nokuh ihkam hobukus bulu tobiri, tahpi iro kotu'ui kolou horomaung ijo bosiak.

KESAH RASUL-RASUL 17:18

Guru-guru aliran Epikuros tutang aliran Stoa hokolawan ka'a umba io. Pira-pira tahkan iro nuhtui, ‘‘Ulun tuh kota'an inon? Pongotaanoh baya honjiot, tahpi aro nyamaioh!’’ Pira-pira ijo bohkon nuhtui, ‘‘Kolouoh io mborihta tohou dewa-dewa uhtus bohkon.’’ Iro nuhtui kolouorih, tului Paulus pander tohou Yesus, tutang tohou bolum hoduli uli mahtoi.

KESAH RASUL-RASUL 17:32

Kotihka ulun-ulun rih ngonih tohou bolum hoduli uli popahtoi, anai tahkan louk iro ngota'oauh Paulus rih. Anai ka'a ijo nuhtui, ‘‘Ihkai jolik ngonih Konduang mborihta hino tohou hal orih.’’

RUMA 16:17

Konduang-konduang! Ahku nyawot umba'kam: Ati-atirih toharep ulun-ulun ijo polombut kopisah tutang monderoh koporocaya ulun ahkan Tuhan. Hal rih hokolawan umba inon ijo jari tongajar ahkan ihkam. Ngomahcurih iou, ulun-ulun kolou orih.

1 KORINTUS 10:12

Ulun ijo ngohu aropoh tombok ba'as, konohuangoh bua-buah; a'ai nyiring io bolukang.

1 KORINTUS 8:9

Tahpi, bua-buah! Ara nyiring nyolung, ijo ulun bohkon monjadi bodusa – kotului koyahkinanoh jaha ba'as – kobain tului Konduang bebas nguan inon iou.

2 KORINTUS 10:5

tutang polukang benteng-benteng kojuhu ijo tonombok, ahkan molawan pongotaan tohou Pohotala. Ihkai nawan tiruk ulun-ulun, tutang nguan iro monyorah nokuh Kristus.

GALATIA 1:14

A'ang hal molalusrih agama Yahudi, ahku molabih ulun-ulun Yahudi, ijo samaokoi umba ahku. Ahku bosomangat samasino a'ang hal-hal tohou hadat-dasar tahtu ajuh ihkai.

GALATIA 4:3

Kodorih ka'a umba ihto: Kotahin ihto magun jaha oko, ihto tonojihpon bain roh-roh ijo bokowasa ang kolunon tuh.

GALATIA 4:9

Tahpi uhuntuh ihkam ngosono Pohotala, ata'ai labih kona hino, Pohotala ngosono ihkam. Nah, ombai ihkam kani buli hino ahkan roh-roh kolunon tuh, ijo bolomu tutang porosbolum? Ombai ihkam kani nohojihpon hino bain roh-roh rih?

GALATIA 5:15

Tahpi amat ihkam saling hokoramak, awas noin ihkam hombo-homboh lonyuh.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 4:20

Tahpi Kristus Yesus ijo ihkam kosono eam kodorih!

EPESUS 5:6

Ara ihkam tonihpu bain pander-pander ijo buang. Kobain hal-hal atuh, ijo polombut kosangit Pohotala, toharep ulun-ulun ijo eam te'et umba Io.

PILIPI 3:2

Rondo-rondong toharep ulun-ulun ijo nguan hal-hal ijo ja'at, ulun-ulun ijo pantas tonohawot ‘asu’. Iro hojojuan mangat ulun-ulun tonyunat.

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

KOLOSE 2:20

Ihkam ius mahtoi hombo-homboh Kristus, tutang jari tomorodehka tahkan roh-roh ijo bokowasa ang pindalangit tuh. Nah, ombai ihkam bolum kolou ulun ijo magun konowasa bain kolunon tuh? Ombai ihkam tunduk umba poroturan-poroturan koloutuh?

KOLOSE 2:22

Paring poroturan rih, anairih tohou hal-hal ijo kodorih tohapa, eam aro boguna hino. Orih baya poroturan-poroturan tutang pongajaran-pongajaran ijo tonapa bain kolunon.

KOLOSE 2:23

Puna topahjahoh, hal rih kopihtar, hawui anjuranoh, mangat ulun nyembah molehkat, ngominda rih arop, tutang nyiksa arop; tahpi paringoh rih eam boguna ahkan ngomburi kojolikbolai kolunon.

1 TIMOTEUS 6:20

Inon ijo jari tomorocaya ahkan'mu, ngina orih pio-pios. Timoteus! Ngomahcu pander-sorihta ijo eam bogunaioh tutang soal-jawab tohou hal-hal ijo cara koliru, konohawot ‘‘Pongotaan’’.

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

1 PETRUS 1:18

Ihkam ta'an inon ijo jari tonombayaroh ahkan momorodehka ihkam tahkan pombolum ijo sia-sia, ijo tonowaris bain tahtu ajuh'mu. Bayaranoh, eamrih angihco ijo tou rusak, kolou perak ata'ai bulou,

2 PETRUS 3:17

Tahpi ihkam, Konduang-konduang ijo tononyita, ius ngota'an tohou hal rih. Kotului rih, bojaga-jaga iou, ara nyiring ihkam toomin-omin nokuh luwang kolahcat, ulun-ulun bejad nyiring ihkam ngonyahtu tahkan unuk'mu botihcak ijo segah.

2 YOHANES 1:8

Tului orih jagarih, ara nyiring ihkam nihou, inon ijo jari ihkai usahaoh ahkan ihkam. Bousaharih, mangat ihkam norima tahkan Pohotala upah'kam koparingoh.