KOLOSE 2:7 - BOWOT BOHUA

⁷ tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

KOLOSE 2:7 ပူးပေါင်းရင်းမြစ်များ

LUKAS 6:48

Io kolou ulun ijo kotihka nombok lohpou, ngali timbo-timbon, turus napa galangoh umba bahtu. Aang ohkot anai danum ba'ah noturung lohpou rih, lohpou orih eam duon hogunde tului jari tonombok ang ngosan galang ijo pios.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

1 KORINTUS 1:8

Kristus bongoi ahkan monjamin ihkam nyiring aang kolaiuoh; mangat aang ohkot Io lombut hoduli, ihkam tonyombang-Oh eam aro kosalan.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

2 KORINTUS 1:21

Pohotala bongoi ijo nguan ihkai, tutang Konduang segah hihco umba Kristus: Iorih ka'a ijo mitih ihto khusus ahkan arop-Oh.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

EPESUS 4:21

Ihkam ius ngonih tohou Io! Tutang kolou murid-murid-Oh, ihkam jari tonongajar ka'a tohou sipat-sipat Pohotala ijo anai aang Io!

EPESUS 5:20

Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 3:17

Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.

1 TESALONIKA 5:18

Aang kokaro koada'an, hondakrih ihkam norimakasih, kotului orihrih ijo Pohotala jolik tahkan ihkam, kolou ulun ijo bolum hihco umba Kristus Yesus.

IBRANI 13:15

Kotului rih, honong poholat Yesus, hondakrih ihto toturus monyanyi tara ahkan Pohotala; orih samakolou porahpah torimakasih ihto ahkai-Oh, ijo ihto monyorah nguha auh biwih ahkan mohoromat arai-Oh.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

YUDAS 1:12

Aang ohkot ihkam napa pesta ukun, hadat ulun-ulun rih mombusou ang marak ihkam. Tului iro kuman hawui kobongo eam aro mia-mia, tutang tihkas kogunan aropoh bongoi. Iro kolou baunondou ijo tonahpi bain bahiu, tahpi eam mosuluh uhjan. Iro ka'a kolou pu'un ijo eam mohasil bua, oluka musim bua-mamua, pu'un-pu'un ijo jari tojawut uhatoh tutang jari mahtoi samasino.

YUDAS 1:20

Tahpi ihkam, Konduang-konduang'ku, mbinaoh toturus pombolum ihkam hogalang porocaya'mu umba Yesus Kristus. Koporocaya'mu rih paham borasih. Pondehan rih bodo'a umba kowasa Roh Pohotala,

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.