KOLOSE 2:4 - BOWOT BOHUA

⁴ Ahku monyorihtaoh tuh, mangat ihkam a'ai tonihpu bain iaika ka'a ijo baui manih ahkan'kam.

KOLOSE 2:4 ပူးပေါင်းရင်းမြစ်များ

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

MATEUS 24:4

Yesus mutah, “Bua-buah, ara nyiring ihkam buah kobalik.

MARKUS 13:22

Tului ponyolamat-ponyolamat bobalik, tutang nabi-nabi bobalik ahkan lombut. Iro ahkan nguan gawi-gawi ijo luar biasa, tutang kahtahelan-kahtahelan, ahkan ngobalik amat duon, ukup Pohotala ka'a.

KESAH RASUL-RASUL 20:30

Malah tahkan louk Konduang-konduang bongon ka, ahkan lombut ulun-ulun ijo ahkan monyiar borihta ijo eam morong. Iro nguan kodorih ahkan ulun-ulun ijo jari porocaya umba Tuhan Yesus Kristus monjadi lacat tutang nutut iro.

1 KORINTUS 2:4

Borihta ijo ahku nyiaroh ahkan'kam, eam ahku nyapaioh umba tuhtui monyak nyaling numbun kohorahtin ulun. Tahpi ahku monyiaroh rih umba cara ijo korinah, ijo Roh Pohotala bokowasa.

2 KORINTUS 11:3

Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

GALATIA 2:4

Oluka anai ulun-ulun ijo hojojuan hal rih. Iro anairih ulun-ulun ijo nosolat nokuh luwang barih ihto, tutang nyoruwa kolou konduang. Iro nyolong honong toni-tonih ahkan nyolidik komorodehka ijo anai aang ihto, kotului ihto hihco umba Kristus Yesus. Iro kani mombuli ihto, aang koada'an ijo pahtuk lomoi kolou jihpon,

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

EPESUS 4:17

Kotului rih demi aran Tuhan, tuhrih ijo ahkan ahku nuhtui tutang tegas; ara hino bolum kolou ulun-ulun ijo eam kosono Pohotala, tutang niruk ijo eam-eam.

EPESUS 5:6

Ara ihkam tonihpu bain pander-pander ijo buang. Kobain hal-hal atuh, ijo polombut kosangit Pohotala, toharep ulun-ulun ijo eam te'et umba Io.

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

KOLOSE 2:8

Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

2 TIMOTEUS 2:16

Ngomahcurih panderan-panderan, ijo eam anai gunaioh tutang ijo mohina Pohotala. Panderan-panderan kolou orih tihkas napa ulun mahi-mahi ja'at.

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

1 YOHANES 2:18

Anak-anak'ku, lain jaman jari doni! Jari tonyorihta ahkan ihkam hounoh ijo Musuh Kristus ahkan lombut; tutang uhuntuh jari lombut, aro ulun ijo momusuh Kristus. Orih tandaoh ijo lain jaman jari doni.

1 YOHANES 2:26

Ahku nyurat tuh ahkan'kam, tohou ulun-ulun ijo rahat bousaha monihpu ihkam.

1 YOHANES 4:1

Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 20:3

Pongohuli molehkat rih, ngondian naga rih, nokuh lowun popahtoi, turus nguhci lowun rih, hawui monyegeloh, mangat naga orih eam hino dahpot ngobalik uhtus-uhtus, hounumba ohkot sokujan toun rih opah. Uliorih io harus tonoliwus ahkan ohkot ijo honjiot.

PONGORINAH 20:8

tutang io ahkan tulak ngobalik uhtus-uhtus ijo bororawuh ang sohopus kolunon, yorih Gog tutang Magog. Sehtan muhpung iro ahkan kolahi, angihco jumbalah ijo hajo samasino, sokaro baras angsaran tasik.