KOLOSE 2:3 - BOWOT BOHUA

³ Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

KOLOSE 2:3 ပူးပေါင်းရင်းမြစ်များ

MATEUS 10:26

“Ararih mihkoh umba kolunon. Eam aro ijo bosuhuk, ijo eam ahkan gihtan, tutang eam anai ijo tongulimoh ijo eam ahkan bokuap.

LUKAS 11:49

Orih tuluioh, Kopihtar Pohotala nuhtui, ‘Ahku ahkan ngirim ahkan iro nabi-nabi tutang suruhan-suruhan-Ku; tongai tomunu tutang tongai tonoporos!’

RUMA 11:33

Tu'u-tu'u hebat kotahtou Pohotala! Tu'u-tu'u hajo kowasan kohorahti tutang pongotaan Aiu! Iaikah ijo dahpot nyolidik koputusan-koputusan-Oh? Iaikah ijo dahpot nyolembang cara-cara Io bogawi?

1 KORINTUS 1:24

Tahpi bagi ulun-ulun ijo jari tona'ah bain Pohotala – pios io ulun Yahudi, kanika ulun bohkon Yahudi – borihta rih kolou caraoh Pohotala ngorinah kowasa tutang kopihtar-Oh.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

EPESUS 1:8

Io nguan orih tului Io paham ngasih ihto, tutang asiu rih tonosorah-Oh ahkan ihto, honong tuwi kopitar tutang kohorahti.

KOLOSE 1:19

Pohotala bongoirih ijo mongohondakoh, mangat kokaro ang'co ijo tonyombang aang arop Pohotala, tonyombang ka'a honong sukup ang arop Anak-Oh.

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

KOLOSE 3:3

Kotului ihkam ius mahtoi, tutang pombolum ihkam bosuhuk hihco Kristus ang a'ang Pohotala.

2 PETRUS 1:5

Bain kotului orih bousaha tu'u-tu'u, mangat ihkam tehtep porocaya umba Kristus tutang koporocaya'mu rih, tonyukah bain pombolum ijo pios. Ang bambai pombolum ijo pios, ihkam porulu monjadi ulun ijo anai pongotaan,

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’