KOLOSE 2:2 - BOWOT BOHUA

² Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

KOLOSE 2:2 ပူးပေါင်းရင်းမြစ်များ

MATEUS 11:25

Ang ohkot rih Yesus bodo'a, “Amai, Tuhan ijo ngowasa langit tutang tana! Ahku ngohawot torimakasih umba Ihko, tului paringoh orih ihko ngulimoh tahkan ulun-ulun, ijo pitar tutang bosokula, tahpi ihko ngorinahoh ahkan ulun-ulun ijo eam sokula.

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

MATEUS 13:11

Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

LUKAS 1:1

Teofilus ijo randah ahtoi, Aro ulun jari bousaha nyurat tutang monyusun tohou karon-kojodianrih ijo jari nyolung ang tohun ihto.

YOHANES 10:30

Ahku tutang Amai anairih ihco.’’

YOHANES 10:38

Tahpi tului Ahku nguaioh, porocaya iou ihkam umba inon ijo Ahku nguai orih, oluka ihkam eam kani porocaya umba Ahku. Honong kolourih ihkam kota'an tutang solembang ijo Amai tahtap hihco umba Ahku, tutang Ahku tahtap hihco umba Amai.’’

YOHANES 16:15

Paring ijo anai ang Amai anairih aik-Ku. Orih kotuluioh Ahku nuhtui ahkan'kam ijo inon ijo tonyiaroh Roh ahkan'kam, tonorima-Oh tahkan Ahku.’’

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 5:17

Tahpi Yesus nuhtui umba iro, ‘‘Amai-Ku turus bogawi nyiring uhuntuh, tutang Ahku ka bogawi.’’

YOHANES 5:23

Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.

YOHANES 6:69

Ihkai jari porocaya tutang yahkin ijo Tuhanrih soruhan borasih tahkan Pohotala.’’

KESAH RASUL-RASUL 4:32

Paring ulun ijo porocaya rih bolum hihcoahtoi hihcohomboruanoh. Eam aro ihcobehti ka tahkan iro ngohu ijo inon, ijo io tepuioh, anai aiuoh bongoi. Paring aang'co ijo anai aang iro, paring iro hapaoh sama-sama.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

RUMA 2:4

Ata'ai ihkam nopahjah eambakaoh kotoun Pohotala tutang koboluhang ahtoi, hawui kosabar-Oh ijo kodorih kohajoi? Musti ihkam ta'an ijo Pohotala pokarahoh kohinut ahtoi-Oh, tului Io kani mangat ihkam hubah tahkan dusa-dusan'kam.

1 KORINTUS 14:31

Honong cara ijo kodorih, Konduang-konduang paringoh, mihco-mihco tou monyapaioh borihta tahkan Pohotala; mangat paringoh duon norima ajar tutang monjadi mahi porocaya.

1 KORINTUS 2:12

Tutang ihto eam tononga roh kolunon tuh, molekan Roh ijo tahkan Pohotala, mangat ihto ngota'an, paringoh pononganasi Pohotala ahkan ihto.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 3:16

Ahku bodo'a keleh Pohotala ijo tonohoromat jorih ahkan ngomba'as homboruan'mu umba Roh Aiu.

EPESUS 3:3

Pohotala ngorinah rahasia rancana-Oh tutang mborihta orihrih ahkak'ku. (Tohou hal tuh jari ahku nyuratoh ang diang honong iwak,

EPESUS 6:22

Orihrih kotuluioh ahku nyuhu io nakuh ihkam, ahkan nyorihta koada'an ihkai, ahkan'kam paringoh, mangat mopohajo ahtoi'kam.

PILIPI 2:1

Ihkam ba'as, kotului ihkam hihco umba Kristus. Tutang ihkam tonoapung kotului Kristus ijo ngasi ihkam! Ihkam toniting Roh Pohotala, tutang ihkam ka'a saling hosita tutang saling hobalos kasih ihco umba ijo bohkon.

PILIPI 3:8

Eam baya hal-hal orihrih; tahpi malah hal-hal ijo ahku ngohuoh kolou hal-hal ijo baya morugi iou. Ijo ahku tepui huntuh anairih labih borega, yorih kosono Yesus Kristus, Tuhan'ku. Kotului Kristus, mahka ahku jari molohkakoh paring-paringoh. Ahku ngohu paringoh rih, kolou puhuk iou, mangat ahku tou ngondahpot Kristus,

KOLOSE 1:26

yorih borihta ijo kotahin boabad-abad ijo mohalou; tomorahasia bain Pohotala ahkan paring ulun, tahpi huntuh tongorinah ahkan ukup Aiu.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

KOLOSE 2:19

nyiring eam hino monambit aang Kristus, ijo monjadi kopala A'ang pinda totiring Kristus sohopus behtiu tonohaga tutang tonohihco bain sahpan-sahpanoh, hawui bolum numbun konohuang Pohotala.

KOLOSE 3:14

Tutang ijo boguna, iorih: Ihkam harus saling mongasih. Kotului kasih orihrih ijo pohihco Konduang-konduang paringoh nyiring monjadi soporuna.

KOLOSE 4:3

Bodo'a ka'a ahkan ihkai mangat Pohotala nonga ahkan ihkai kotihka ijo pios ahkan monyiaroh, borihta tohou rahasia Kristus. Kotului hal orihrih mahka ahku huntuh anai ang luwang sipir.

KOLOSE 4:8

Ahku nyuhu io nohkuh'kam honong alasan mangat ihkam kota'an koada'an ihkai ohtoi tutang ihkam sanang ahtoi.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

1 TESALONIKA 5:14

Ihkai nyawot ka'a. Konduang-konduang, ningakrih iou hawui kopios umba ulun ijo eam kani bogawi, tabahrih ahtoi ulun ijo pomihkoh, dohoprih ulun ijo porulu tondohop, tutang sabarrih toharep paring ulun.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 6:11

Ihkai jolik sino, mangat ihkam nyinong-behti turus bosomangat johcok laiu, nyiring ihkam norima inon ijo ihkam moharap-harapoh rih.

2 PETRUS 1:10

Kotului orih, Konduang-konduang, bousaha iou labih ba'as mangat ta'ah Pohotala tutang pitih-Oh ngosan arop'mu rih monjadi mahi segah. Amat ihkam nguan rih, ihkam eam ahkan murtad.

2 PETRUS 1:3

Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

1 YOHANES 3:19

Kolouorih caraoh ihto ta'an ijo ihto angbarih anak-anak Pohotala ijo morong, tutang ahtoi ihto dahpot teneng ang toharep Pohotala.

1 YOHANES 5:7

Anai tolu saksi: